ڈیسالٹ رفیل

Wikipedia توں
جاو: مدد, کھوج
Dassault Rafale B 03.jpg
Rafale-060427-N-2959L-196.jpg
Rafale and CVN 74.jpg

ڈیسالٹ رفیل فرانس دا لڑاکہ جہاز اے۔ اینون فرانس دی کمپنی ڈیسالٹ نے بنایا اے۔ اے جہاز بوت پھرتیلا اے۔ ایدے چ دو انجن ہوندے نیں تے ایدے چ اک یا دو پائلٹان دی جگہ ہوندی اے۔ اینون زمین توں یا فیر ایرکرافٹ کیریئر تون اڈایا جا سکدا اے۔ اینوں دوجیاں دیساں اگے بیچن دی وی کوشش کیتی گئی اے مگر ہلے تک کسے نے وی اینوں خریدیا نئیں اے۔ ایدا مل 82 توں 90 ملین ڈالر دے درمیان اے۔ 120 رفیل فرانس دے کول ہلے استعمال چ نیں۔

پہلا رفیل 4 جولائی 1986 نوں اڈیا تے سب توں پہلا مکمل تیار جہاز 4 دسمبر 2000 نوں اڈیا۔ رفیل پروگرام تے 27.82 بلین یورو خرچ ہوۓ۔ مڈلے 1970آں چ فرانس دی ایرفورس تے نیوی نون پرانے جہازاں دے بدلے اک نوا جہاز چائیدا سی۔ اس لئی اوناں نے شروع چ برطانیہ اٹلی سپین تے جرمنی نال رل کے یورو فائٹر ٹائیفون تے کم شروع کیتا پر فرانس بعد چ اپنے ڈیزائن دے پچھے اے ٹولی پن دتی تے کلیاں ای رفیل تے کم شروع کیتا۔

گن[لکھو]

بناوٹ[لکھو]

ڈیسالٹ رفیل اک ڈیلٹا پراں آلا جہاز اے جیدے پراں اگے دو نکے کینارڈ وی لگے ہوندے نیں۔ ایناں کینارڈاں دی وجہ توں زیادہ لفٹ بناندا اے تے جلدی اڈ پیندا اے۔ اے بوت پھرتپیلا وی اے تے اے 9جی تے منفی3جی تک سہہ سکدا اے تے ایمرجنسیاں چ 11جی تک وی سہہ لیندا اے۔ کینارڈاں دی وجہ توں اے 213 کلومیٹر فی کینٹے دی تیزی دے نال وی اتر سکدا اے۔ اے جہاز 400 میٹر دی رن وے تون وی کم کرسکدا اے۔

کھوجی سسٹم[لکھو]

رفیل چ دوجے جہازاں دا کھوج لان لئی تے اوناں نال لڑائی کرن لئی تھیلز آر بی ای 2 پیسا ریڈار ہوندا اے۔ اے ریڈار 40 جہازاں دا کھوج اک وقت چ رکھدا اے تے 8 جہازاں تے میزائل مار سکدا اے۔ اے ریڈار جہاز نوں راہ وکھان آستے بوت اچھے نقشے وی بنا سکدا اے۔

اگر کوئی جہاز ریڈاہر ورت ریا ہوۓ تے ایدا پتہ بڑی آرام نال لگ جاندا اے اس لہئی رفیل چ مختلف دوجے کھوجی سسٹم وی نیں۔ اینان چوں اک جہاز دے اگے لگیا ہوندا اے جیڑا کے انفراریڈ تے نظر آن آلی روشنی چ دشمن دا کھو لا سکدا اے۔ رفیل چ تھیلز کمپنی دا سپیکٹرا سسٹم وی ہوندا اے جدے نال اوہ بغیر کسے دشمن نوں پتہ لگے سنگیاں نال گل بات کر سکدا اے۔ اس جہاز زمین تے نشانہ لان آستے ریڈار وی کم کردا اے تے اس تون علاوہ ایدے تے نشانے آلی پاڈ وی رکھے جا سکدے نیں۔

کاکپٹ[لکھو]

پائلٹ اک مارٹن بیکر کمپنی دی ایجکشن سیٹ دے اتے بیندا اے تے جہاز نوں سجے ہتھ تے لگے سٹک نال ٹوردا اے تے کھبے ہتھ دے بٹناں نال انجناں نوں کنٹرول کردا اے۔ کاکپٹ چ اک ہولوگرافک ڈسپلے پائلٹ دے اگے لگیا ہوندا اے تے اس توں علاوہ پائلٹ دے ہیلمٹ تے وی اے سسٹم جلد ای لا دتا جاۓ گا۔

پائلٹ ریشم دے گلو پاندا اے تے اوہ جہاز دی سکریناں نوں دبا کے وی کم کر سکدا اے۔ پائلٹ بول کے وی جہاز تے کم کر سکدا اے۔

ورژن[لکھو]

رفیل دے ترے ورژن نیں اک ورژن ایرکرافٹ کیریر توں اڈان آستے تے دو زمین توں اڈن آلے زمین توں اڈن آلیاں چوں اک چ اک پائلٹ تے دوجے چ دوو بیندے نیں۔

بارلے جوڑ[لکھو]

ڈیسالٹ رفیل دی ویب سائٹ