دریائے کالا سندھ
| دریائے کالا سندھ | ||
|---|---|---|
 |
||
| لمبائی | 351 کلومیٹر | |
| نقشہ | 25°31′59″N 76°16′55″E / 25.533087°N 76.282025°E | |
| انتظامی تقسیم | ||
| ملک |  بھارت
| |
| وقوع تھاں | مدھیہ پردیش ، راجستھان | |
| ڈگدا | دریائے چمبل | |
| طاس رقبہ | 24663 مربع کلومیٹر
| |
| تقسیم اعلیٰ | مدھیہ پردیش ، راجستھان | |
| متناسقات | 25°31′59″N 76°16′55″E / 25.533087°N 76.282025°E | |
|
|
||
ترمیم  | ||
دریائے کالا سندھ، بھارت دیاں ریاستاں مدھیہ پردیش تے راجستھان وچ اکّ دریا اے۔ ایہ گنگا طاس وچ چمبل دریا دا اکّ معاون دریا اے۔ کالا سندھ دیاں اہم معاون ندیاں پروان، نواج تے آہو نیں۔[۱] کالا سندھ دریا مالوہ دے اکّ وڈے حصے نوں نکلدا اے تے مدھیہ پردیش دے مالوہ علاقے وچ وگݨ والا سبھ توں وڈا دریا اے۔
جغرافیا
[سودھو]کالا سندھ جمنا طاس دے چمبل دریا نال منسلک سارا سال وگݨ والا دریا اے۔ ایہ عام طور تے بھارت دے مون سون موسم دے دوران سیلاب دے پڑاء اُتے پہنچ جاندا اے۔ ایہدے ہیٹھلے حصے وچ ایہ اکّ سیلابی میدان بݨاؤندا اے۔ باکسائیٹ دے بھنڈار ضلع کوٹا دے کالا سندھ دے نال بسیلیؤ، مجولا تے شیرول-کھیڑال وچ پائے جاندے نیں۔[۲]
کالا سندھ دی کل لمبائی 550 کلومیٹر اے، جیہدے وچوں 405 کلومیٹر مدھ پردیش تتے 145 کلومیٹر راجستھان وچ اے۔
کورس
[سودھو]دریائے کالا سندھ مدھیہ پردیش دے ضلع دیواس وچ بگلی دے کول وندھیا رینج[۱] وچوں اُٹھدا اے۔
ایہہ سونکیچ نیڑے اندور دے مشرق وچ سٹیٹ ہائی وے نمبر 18 نوں پار کردا اے جتھے پراݨے ویلے وچ سیلاب آؤݨ اُتے ایہ گھینٹھےآں تک سڑکی آمد و رفت نوں روکدا سی۔[۳] ایہ ضلع شجاع پور نوں پار کردا اے۔ فیر ایہ سوئتکلاں دے نیڑے شجاع پور تے راجگڑھ ضلعےآں دے وچکار سرحد بݨاؤندا اے تے بندا پنڈ دے نیڑے راجستھان وچ داخل ہُندا اے۔ ایہ راجستھان دے ضلع باراں، ضلع جھالاواڑ تے ضلع کوٹا وچوں لنگھدا اے تے ضلع کوٹا دے نونیرا پنڈ وچ چمبل ندی وچ جا ملدا اے۔ کالا سندھ نوں آہو، نواج تے پروان ندیاں توں پاݨی ملدا جاندا اے۔
اہم معاون ندیاں
[سودھو]کالا سندھ دیاں مکھ معاون ندیاں:
- آہو ندی: جو عام طور تے راجستھان دے جھالاواڑ تے کوٹا ضلعےآں وچوں شمال ول وگدی اے، ایہدی معاون ندی امجر نال جڑ جاندی اے، تے گگروں قلعے دے نیڑے کالا سندھ ول وگدی اے۔[۴]
- نواج ندی: جو راجستھان دے جھالاواڑ تے کوٹا ضلعیاں وچوں لنگھدی اے۔
- پربن ندی (پروان): جو مدھیہ پردیش دے ضلع سیہور وچوں شروع ہُندی اے۔ ایہ مدھیہ پردیش دے ضلع سیہور، ضلع شجاع پور تے ضلع راجگڑھ وچوں تے راجستھان دے ضلع جھالاواڑ، ضلع کوٹا تے ضلع باراں وچوں لنگھدی اے۔ ایہ راجستھان دے ضلع باراں وچ دریائے کالا سندھ نال ملدا اے۔
ڈیم
[سودھو]کالا سندھ ڈیم راجستھان دے ضلع جھالاواڑ وچ اس دریا اُتے بݨایا گیا اک وڈا ڈیم اے۔
حوالے
[سودھو]- ↑ ۱.۰ ۱.۱ "Kali Sindh River"۔ india9 (Online Highways LLC.)۔ 20 July 2005۔ ۲۹ مئی ۲۰۱۲ میں اصل سے آرکائیو شدہ
- ↑ "Bauxite in Rajasthan"۔ Mines and Minerals of Rajasthan
- ↑ "Madhya Pradesh Flood/ Kali Sindh and Guneri rivers overflowing in Dewas, 52 villages lose contact, flood in Narmada". DB Post (Bhopal, Madhya Pradesh). 26 August 2019. https://web.archive.org/web/20200406204950/https://dbpost.com/madhya-pradesh-flood-kali-sindh-and-guneri-rivers-overflowing-in-dewas-52-villages-lose-contact-flood-in-narmada/. Retrieved on ۲۵ مئی ۲۰۲۳.
- ↑ Bradshaw, George (1864). Bradshaw's hand-book to the Bombay presidency and North-western provinces of India. London: W. J. Adams, 421-422.