کلائڈ سیسنا

وکیپیڈیا توں
جاؤ: پاندھ, کھوج

کلائڈ سیسنا (1879-1954) اک امریکی جعاز ڈیزائنر، پائلٹ تے سیسنا کمنپی دا بانی سی۔ اوہ ہاتھورن، آئووا چ 5 دسمبر 1879 نوں جمیا۔ اودے ماپے گراں چ ریندے سی تے سیسنا نے آپے ای مکینکی سکھ کے مشینری کھیتاں لئی چنگی کرنی شروع کردتی۔ اودے 1910 وچ اک ہوائی نمیش دے بعد جعازاں وچ شوق رکھنا شروع کیتا تے اس لئی اوہ نیو یارک ٹر گیا جتھے اونھے جعاز بنانے سکھے۔ جون 1911 چ 13 نقامیاں دے بعد اوہ پہلی واری اپنے بناۓ ہوۓ جعاز چ اڈیا۔ دسمبر 1911 تک اڈن چ ماہر ہون توں بعد اوہ 8 کلومیٹر دور تک اڈیا۔ 1925 چ اونھے اپنی کمنپی کج سنگیاں نال کھولی جیڑی سیسنا دی وجہ توں بوت چلی مکڑ بعد چ سنگیاں دے نال کج مسلیاں دی وجہ تے اونھے کمپنی چھڈ دتی۔ 7 ستمبر 1927 نوں اونھے اپنی کمپنی سیسنا کھولی۔ اونھے کئی وریاں بعد اے کمنپی اپنے بتیجیاں نوں ویچ دتی تے کھیتی باڑی شروع کردتی۔ اوہ 74 وریاں دی عمر چ کینساس چ مر گیا۔