کھرپا

کھرپا
انتظامی تقسیم

رمبا یا کھرپا کھیتی باڑی دا اک اوزار اے۔ ایہ گوڈی کرن، گھاہ تے چارا کھوتݨ، جڑی بوٹیاں تلف کرن تے کھیت تے باغیچے وچ ہور کئی رلدے کماں لئی ورتیا جاندا اے۔

ایہدا مٹھا داتری دے مٹھے ورگا ہندا اے پر اگے اکّ لوہے دا پترا لگیا ہندا اے، جیہنوں کچھ چِر بعد چَنڈ کے تِکھا کرنا پیندا اے۔

گوڈی کرن والے، گھاہ کھوتݨ والے کھیتی سند نوں کھرپا کہندے نیں۔ کئی علاقیاں وچ کھرپے نوں رمبا کہندے نیں۔ کھیتی دے مڈھلے ویلے وچ کھیتی دے مڈھلے سنداں وچ کھرپا اک مڈھلا سند رہا اے۔ شروع وچ انسانی وسوں دی زیادہ نربھرتا پسوآں اتے پشوآں دے ددھ اپر سی۔ بہتی دھرتی غیر آباد سی۔ جتھے گھاہ ہندا سی، گھاہ نوں کھرپے نال کھوت کے پسوآں نوں پایا جاندا سی۔ جد مکی، کپاہ، گنا وغیرا دیاں فصلاں ہوݨ لگیاں تاں ایہناں فصلاں وچ جہڑا ککھّ، گھاہ ہندا سی، اس نوں کھرپے نال گڈّ کے ہی باہر کڈھیا جاندا سی۔ پودیاں دی پنیری نوں کھرپے نال پٹّ کے دوسری تھاں کھرپے نال ہی لایا جاندا اے۔ گنے دی انھی گوڈی کھرپے ناݪ کیتی جاندا سی۔ پہلے سمیاں وچ جد کھڑی کپاہ وچ گاجراں جاں کوئی ہور پسو چارا چھٹا دے کے بیجیا جاندا سی، اس ویلے کپاہ دے کھیت دی کھرپے نال گوڈی کرکے گاجراں/پسو چارے دے بیج نوں کھیت وچ مݪایا جاندا سی۔ کھاݪے دیاں وٹاں تے دوسریاں کھیت دیاں وٹاں 'تے ہویا کھبل، گھاہ نوں کھرپے ناݪ ہی کھوتیا جاندا اے۔

کھرپے دا ہتھا لکڑ دا ہندا اے جہڑا لکوں تھوڑا اٹھواں ہندا اے جس وچ اسانی نال ہتھ دا پنجہ آ جاندا اے۔ کھرپے دا بلیڈ/پھل لوہے دی چدر دا ہندا اے جہڑا عام طور 'تے ۶ کُ انچ چوڑا تے ۷ کُ انچ لما ہندا اے۔ بلیڈ دا اگلا حصہ تکھا ہندا اے۔ بلیڈ دے پچھلے حصے نوں لکڑ دے ہتھے نال ربٹاں/میکھاں لا کے جوڑیا جاندا اے۔ ایہہ میں عام کھرپے دی بنتر دسی اے۔ کھرپے اس نالوں وڈے سائیز وچ وی تے چھوٹے سائیز وچ وی بندے ہن۔ جس کھرپے دا پھل ۲/۳ کُ انچ چوڑا اتے ۶/۷ کُ انچ لمبا ہندا اے، اس نوں کھرپی کہندے ہن۔ کھرپے اتے کھرپیاں دی بنتر کئی قسم دی ہندی اے۔

لوکدھارا وچ

جس کھیتی وچ پھر جاوے رمبا،

اتھے دانہ ہندا چنگا

رمبے بارے بجھارت:

بھبل وچ دندیا نچے، پوچھ میرے ہتھ

حوالے