کیمبرین

کیمبرین پرانے جیون دے پہلے ویلے نوں کیندے نیں۔ ایہہ 54 توں 48 کروڑ ورھے پہلے رہیا۔ کیمبرین ویلے توں پہلے زندگی نکی اَتے سادہ سی پر ایس مگروں وڈی، گنجلدار ہوگئی اَتے ایہدے چ بوہت وادھے وی ہوۓ۔

ایس ویلے دا ایہہ ناں ایڈم سیجوک نے رکھیا۔ ایہہ ناں ویلز دے لاطینی ناں کیمبریا توں بݨیا ہے۔ ویلز چ سیجوک کم کر رہیا سی۔

کیمبرین ویلے جیون دھماکے نال ودھیا اَتے لگدا ہے سارا جیون سمندراں چ ودھیا اَتے سُکّی زمین جیون دے تھوڑے نشان لبھے نیں۔ سمندراں دا پاݨی کوسا سی اَتے زمین دے ‍قطباں تے کوئی برف جمی ہوئی نِیہ سی۔ جاندار جنھاں دے بار پکی کھلڑی سی اوس ویلے بنے اَتے اوہناں دے نشان وی لبھدے نیں۔