کینیڈا وچ سکھ
کینیڈا وچ سکھ' وڈی گنتی وچ آباد نیں تے بھارت توں بعد اینہاں دی سبتوں وڈی گنتی کینیڈا وچ اے ۔
تریخ
[سودھو]کینیڈا روس توں بعد دنیا دا دوسرا سبھ توں وڈا دیس ہے۔ اس دا راجگڑھ اوٹاوا، آبادی 3 کروڑ 65 لکھ اتے رقبہ 99،84،670 مربع کلومیٹر ہے۔ کینیڈا وچ سکھاں دی آبادی 4،70،000 دے قریب ہے۔ بھارت وچ سکھ کلّ آبادی دا 1.72 فیصدی ہن تے کینیڈا وچ کلّ آبادی دا 1.40 فیصدی ہن۔ سکھ مکھ طور 'تے برٹش کولمبیا، انٹاریؤ، البرٹا، مینیٹوبا اتے کیوبک صوبیاں وچ وسدے ہن۔ برٹیش کولمبیا دے ایبٹسفورڈ شہر وچ سکھاں دی آبادی کینیڈا دے سارے شہراں توں ودھ، 17 فیصدی ہے۔ برٹیش فوج دا رسالدار میجر کیسر سنگھ پہلا سکھ سی، جس نے 1897 وچ کینیڈا (وینکوور) دی دھرتی 'تے پیر رکھیا سی۔ اوہ سکھ ریجمینٹ دی اک ٹکڑی نال مہارانی وکٹوریا دے ڈائمنڈ جوبلی تقریبات وچ حصہ لین لئی کینیڈا آیا سی۔ وڈی پدھر 'تے سکھاں دا کینیڈا پرواس 1905 توں بعد شروع ہویا۔ شروعات وچ اوہناں نے کینیڈیئن پیسیفک ریلوے، لمبر ملاں اتے کوئلا کھداناں وچ روزگار شروع کیتا۔ 1906 تکّ کینیڈا وچ سکھاں دی گنتی 1500 تکّ پہنچ گئی۔ 26 فروری، 1911 نوں امریکی براعظم دا پہلا گرودوارہ، گرسکھ ٹیمپل، ایبٹسفورڈ وچ بنایا گیا۔ 1943 وچ خالصہ دیوان سوسائٹی دے میمبراں سمیت اک 12 میمبری ڈیلیگیشن پردھان منتری ہارٹ نوں ملیا کہ بھارت سمیت دکھنی ایشیئن لوکاں نوں وی ووٹ دا اختیار دتا جاوے۔ اس کارن 1945 وچ کینیڈیئن پارلیمینٹ نے قانون پاس کر دتا کہ دوجی وڈی لڑائی وچ حصہ لین والے سارے دکھنی ایشیئناں نوں ووٹ دا حق دتا جاویگا۔ اس قانون کارن جنگ لڑن والے کافی سکھ فوجیاں نوں ایہہ حق حاصل ہو گیا۔ 1947 وچ سارے ایشیئناں نوں ہی ووٹ دا حق دے دتا گیا۔
اجوکے کینیڈا وچ
[سودھو]سکھاں نوں کینیڈا وچ اجوکا مقام حاصل کرن وچ بہت مشکلاں دا ساہمنا کرنا پیا ہے۔ نسل پرست حملے اتے کاماگاٹامارو ورگے کئی کانڈ ہوئے، پر ہن سکھ کینیڈا دے ہر میدان وچ چھائے پئے ہن۔ سیاست ، وپار، نوکریاں، کھیڈاں اتے کلا دے میدان وچ ملاں مار رہے ہن۔ وساکھی وغیرہ موقعے سجائے جان والے وشال نگر کیرتناں دی جھلک ویکھن لئی ہزاراں گورے پہنچدے ہن۔ 2015 وچ سری نگر کیرتن اکٹھ پکھوں بھارت توں باہر ھنیا دی سبھ توں وڈی سکھ پریڈ اعلان کیتی گئی ہے۔ کسے نے کدے سوچیا وی نہیں ہونا کہ اک سکھ (ہرجیت سنگھ سجن) کینیڈا دا وزیر دفاع بن جاویگا۔ اس ویلے کینیڈا وچ 20 سکھ ایم.پی. تے جسٹن ٹروڈو دی سرکار وچ چار کیبنٹ وزیر ہن۔ کینیڈا دے صوبیاں وچ درجناں ہی سکھ ایم.ایل.اے. تے وزیر ہن۔