کی می

آزاد انسائیکلوپیڈیا، وکیپیڈیا توں
Jump to navigation Jump to search
کی می
کاروباری تھاںنِجی
کمچابیاں بݨوݨا
جنے بنائیگریگ مارش
ہیڈکواٹرنیو یارک شہر، نیو یارک، امریکا
ویب سائٹwww.key.me

کی می اک ٹیکنالوجی کمپنی اے جیہڑی چابیاں دی نقل واسطے ایپ تے اوہناں دی تیاری لئی روبوٹک کیوسک مہیا کردی اے ۔

کمپنی دی تریخ[لکھو]

اس کمپنی دا مُڈھ گریگ مارش نے 2012 وچ رکھیا سی ۔ اوہناں نے اپݨے گھر دے جندرے بدلݨ وچ اوکھے تجربے دا سامݨا کیتا جیہدے مگروں ایہنوں تیار کرن دا خیال سُجھیا ۔ مارش گریگ ہُݨ کمپنی دے (سی . ای . او) دی حیثیت نال خدمات انجام دے رہے نیں ۔ ایہ کمپنی نیو یارک شہر وچ قائم اے ۔

چابی دی نقل کاری[لکھو]

صارفین ، کی می دی موبائل ایپ وچ اپݨیاں چابیاں ڈیجیٹل اسکین کر دے نیں ، اوہ اسکین کیتا ہویا ڈیٹا فیر کلاوڈ سٹوریج (کمپیوٹر ڈیٹا سٹوریج) وچ محفوظ کیتا جاندا اے ۔ اس توں بعد اس ڈیٹا نوں فِزیکلی کیوسک تے بھیجیا جاندا اے جِتھے چابی دی نقل تیار کیتی جاندی اے ۔ کیوسک وچ براہ راست اسکیننگ اپریٹس وچ پائیاں ہویاں چابیاں وی اسکین ہو سکدیاں نیں ۔ کیوسک وچ مشین تیزی نال پتل دیاں چابیاں ، چابیاں دا چھلا تے کار دیاں چابیاں بغیر کِسے ٹرانسپورڈر توں، دوبارہ تیار کرسکدی اے ۔ کی می کمپنی دیاں کیوسکاں امریکا دے کئی شہراں وچ قائم نیں ۔ ایہ کیوسکاں عمومن کریانے تے پرچون دی ہٹیاں تے گروسری سٹوراں دے نال موجود نیں ۔ اصل وچ کیوسکاں صرف اُنگلاں دے پرنٹ اسکین دے ذریعے چابیاں تک رسائی دی اجازت دیندیاں نیں ۔ چابیاں ڈاک دے ذریعے وی فراہم کیتیاں جاسکدیاں نیں ۔

فنڈنگ[لکھو]

کی می نے 2012 وچ اینجل فنڈنگ وچ راون گاندھی کولوں 3 لکھ امریکی ڈالر مالی اعانت وصول کیتی ۔ 2013 وچ سیڈ فنڈنگ وچ بیٹری وینچرز توں 2.3 ملیئن امریکی ڈالر فیر 2014 وچ فنڈنگ راونڈ دی سیریز (اے) وچ 7.8 ملیئن امریکی ڈالر وصول کیتے ۔ 2016 وچ فنڈنگ (بی) سیریز وچ بیٹری وینچرز کولوں 20 ملیئن امریکی ڈالر وصول کیتے ۔ اک راؤنڈ ، جیہدی سربراہی کمکاسٹ وینچرز ، راون گاندھی تے سیڡن ئلیڡن دے سرمایا کاراں نے کیتی ، اس سیریز (سی) وچ کمپنی نے 15 ملیئن امریکی ڈالر کٹھے کیتے ۔ سیریز (ڈی) راؤنڈ وچ کمپنی نے 25 ملیئن امریکی ڈالر کٹھے کیتے ، سرمایا کاراں وچ وائیٹ سٹار کیپٹل ، کوئسٹ مارک سانجھوال ، پروائڈینس اِکوئِٹی سانجھوال شامل سن ۔ 2019 وچ بلیک روک دی سربراہی وچ منعقد ہوݨ آلے فنڈنگ راونڈ وچ کمپنی نے 50 ملیئن امریکی ڈالر کٹھے کیتے ۔ 2020 وچ برینٹڡُڈ ایسوسیئیٹس دی سربراہی وچ ہوݨ آلے فنڈنگ راونڈ وچ 35 ملیئن امریکی ڈالر کٹھے کیتے ۔