گلی ڈنڈا

آزاد انسائیکلوپیڈیا، وکیپیڈیا توں

گلی ڈنڈا پنجاب تے برصغیر دے کئی دوجے علاقیاں وچ منڈیاں دا کھیڈ اے۔ اے اک ڈنڈے تے اک گلی دی راہیں کھیڈیا جاندا اے تے اے کھلے میدان وچ کھیڈیا جاندا اے۔ کھلاڑیاں دی تعداد تے کوئی پابندی نہیں۔

ڈنڈا کسی وی جسامت دا ہو سکدا اے۔ گلی وی ڈنڈے دا اک علیحدہ چھوٹا ٹکڑا ہوندا اے جس دی لمبائی 9 انچ دے نیڑے تریڑے ہوندی اے۔ گلی دے دوویں پاسے کڑے ہوۓ تے چونج آلے ہوندے نے۔

اس کھیڈ وچ گلی دے چونج آلے حصہ تے ڈنڈے نال ماریا جاندا اے گلی اُتاں اُٹھدی اے ہوا وچ اُڈدی ہوئی گلی نو فیر ٹیّل نال ڈنڈا ماریا جاندا اے جس دے نتیجے وچ گلی بڑی دور ٹُر جاندی اے جے کوئی مخالف کھلاڑی اس گلی نو ہـوا وچ دبوچ لے یا اینو اک خاص جگہ تے سٹ دے تے موڑ ڈنڈے نال گلی نو مارن والے منڈے دی واری مُک جاندی اے تے اگلے کھلاڑی دی واری آجاندی اے۔