ہارڈ ڈسک ڈرائیو

قرص کثیف

ہارڈ ڈسک ڈرائیو یا قرص کثیف (Hard disc drive) اک آلہ اے جیدے چ رقمی معطیات رکھیا تے ویکھیا جاسکدا اے۔ اینوں شمارنداں چ ورتیا جاندا اے۔ ایہ اک یا اک توں بوتیاں سخت اقراص یا پلیٹاں دی بنی ہوندی اے جیناں دے اتے مقناطیسی مواد لگیا ہوندا اے تے اس مقناطیسی مواد نوں اک مقناطیسی سر اگے پچھے کر کے معطیات لکھدا اے یا اینوں پڑھدا اے۔ قرص کثیف معطیات جدوں بجلی بند ہوۓ تاں وی سامبی رکھدا اے اس لئی اینوں غیر وولاٹائل Non-Volatile کیندے نیں۔ ایدے چ معطیات جدروں چآہو اودروں کڈیا جا سکدا اے اس لئی اے رینڈم رسائی Random Access مقناطیسی معطیات رکھن آلی کل اے۔

قرص کثیف نوں امریکہ مشارکت آئی بی ایم نے 1956 چ بنایا۔ 1956 توں ہلے تک قرص کثیف دا ناپ تے مل بوت زيادہ کٹ گیا اے تے ایدی معطیات رکھن دی تھاں تے رفتار بوت زیادہ ودی اے۔