ہیمنت کمار
| ہیمنت کمار جاں ہیمنت مکھرجی | |
|---|---|
| فائل:File:Hemantda.jpg | |
| ذاتی معلومات | |
| مقامی نام | হেমন্ত কুমার মুখোপাধ্যায় |
| پیدائشی نام | ہیمنت کمار مکھوپادھیا |
| پیدائش | 16 جون 1920وارانسی، اتر پردیش بھارت |
| وفات | ۲۶ ستمبر ۱,۹۸۹ (عمر 69 سال)کولکاتہ، مغربی بنگال، بھارت |
| اصناف | ساز، پوپ |
| پیشے | گلوکار، سنگیت ڈریکٹر، سنگیت پروڈیؤسر |
| آلات | گلوکار |
| سالہائے فعالیت | ۱۹۳۵–۱۹۸۹ |
ہیمنت کمار ہندی اتے بنگالی فلماں دے مہان پلے بیکگلوکار تے سنگیتکار سن۔ اوہناں دا جم ۱۶ جون ۱۹۲۰ نوں وارانسی 'چ ہویا۔ جم توں کجھ ویلے بعد اوہناں دا پروار کولکاتہ چلا گیا، اپنی مڈھلی پڑھائی توں بعد انٹر دا امتحان پاس کرن پچھوں اوہناں نے جادوپر یونیورسٹی 'چ انجینیئرنگ 'چ داخلہ لے لیا پر کجھ ویلے بعد اوہناں نے انجینیئرنگ دی پڑھائی چھڈّ دتی کیونکہ اس ویلے تک اوہناں دا رجھان سنگیت ول ہو گیا سی تے اوہ سنگیتکار بننا چاہندے سن۔ اوہناں نے سنگیت دی اپنی مڈھلی پڑھائی اکّ بنگالی سنگیتکار شیلیش دتّ گپتا توں لئی سی۔ اس توں علاوہ استاد پھییاز خان توں اوہناں نے کلاسیکل سنگیت دی سکھیا وی لئی۔ سال ۱۹۳۰ دے انت تک اوہناں نے اپنا پورا دھیان سنگیت ول لگاؤنا شروع کر دتا۔ ۱۹۳۰ 'چ آکاشوانی لئی ہیمنت کمار نوں اپنا پہلا بنگالی گیت گاؤن دا موقع ملیا۔[۱] سروتیاں دے دلوں ایہی آواز نکلدی اے 'یاد کیا دل نے کہاں ہو تم'۔
فلمی سفر
[سودھو]سن ۱۹۳۷ 'چ شیلیش دتّ گپتا دے سنگیت ڈریکشن 'چ اکّ غیرملکی سنگیت کمپنی کولمبیا لئی ہیمنت کمار نے غیر-فلمی گیت گائے۔ اوہناں نے گراموپھونک کمپنی آف انڈیا لئی اپنی آواز دتی۔ سال ۱۹۴۰ 'چ گراموپھونک کمپنی لئی ہی کمل داس گپتا دے سنگیت ڈریکشن 'چ اوہناں نوں اپنا پہلا ہندی گیت 'کتنا دکھ بھلایا تمنے' گاؤن دا موقع ملیا، جو اکّ غیر-فلمی گیت سی۔ سال ۱۹۴۱ 'چ بنگالی فلم لئی وی اوہناں نے اپنی آواز دتی۔ سال ۱۹۵۱ 'چ فلمستان دے بینر ہیٹھ بنن والی اپنی پہلی ہندی فلم 'آنندمٹھّ' لئی ہیمنت کمار نے سنگیت دتا۔ ۱۹۵۴ 'چ فلم 'ناگن' وچ اپنے سنگیت نوں ملی کامیابی توں بعد اوہ کامیابی دی سکھر 'تے جا پہنچے۔ اس فلم لئی اوہ بہترین سنگیتکار دے فلمپھیئر اوارڈ نال اعزازی کیتے گئے۔ سال ۱۹۵۹ 'چ اوہناں نے فلم اساری دے کھیتر وچ وی قدم رکھیا اتے ہیمنت بیلا پروڈکشنس ناں دی فلم کمپنی دا قیام کیتا، جس دے بینر ہیٹھ اوہناں نے مرنال سین دے ڈریکشن 'چ اکّ بنگالی فلم 'نیل آکاشیر نیچے' دا اساری کیتا۔ اس فلم نوں پریزیڈینٹ گولڈ میڈل دتا گیا سی۔
اعزاز
[سودھو]- ۱۹۵۶: فلمفیئر سبھ توں ودھیا پلے بیکگلوکار: ناگن
- ۱۹۷۱: فلمفیئر سبھ توں ودھیا پلے بیکگلوکار: نماترن
- ۱۹۸۶: قومی اعزاز سبھ توں ودھیا پلے بیکگلوکار: لعلن فقیر
- 1975: BFJA ودھیا پلے بیکگلوکار: پھلیشوری جیتو
- 1976: BFJA ودھیا پلے بیکگلوکار: پریا بندھوبی: جیتو
- ۱۹۸۵: عالمی بھارتی یونیورسٹی توں ڈی لٹ دے خطاب
- ۱۹۸۶: سنگیت ناٹک اکیڈی سنمنا
- ۱۹۸۹: بنگلہ دیس دے ڈھاکا شہر 'چ مائیکل مدھوسودن اوارڈ
- پریزیڈینٹ گولڈ میڈل، فلم 'نیل آکاشیر نیچے'
انتقال
[سودھو]لگبھگ ۵ دہاکیاں تک سنگیت دیاں مٹھیآں دھناں نال سروتیاں نوں مدہوش کرن والے ہیمنت کمار ۲۶ ستمبر ۱۹۸۹ نوں اس دنیا نوں الوداع آکھ گئے۔
حوالے
[سودھو]- ↑ Debashis Dasgupta, Desh, Bengali weekly magazine from Anandabazar Patrika Ltd., Calcutta, 11 Nov. 1989. P. 36