یوروکاپٹر ٹائگر چار بلیڈ تے دو انجناں آلا حملہ کرن آلا ہیلیکاپٹر اے جینوں یورپی کمپنی یوروکاپٹر نے بنایا۔ اینوں 1980 دی دہائی چ بنان دا پروگرام شروع کیتا گیا مگر سوویت یونین دے ٹٹن توں بعد دفائی بجٹ کٹن دی وجہ توں ایدا پروگرام آہستہ ہوگیا سی۔ ٹائگر پہلا یورپی ہیلاکپٹر اے جیڑا سارا کمپوزیٹ شیواں دا بنیا ہویا اے۔ اے دوجی ہیلیکاپٹراں دے مقابلے تے بوت پھرتیلا اے تے اے ریڑار تے انفراریڈ سنسراں تے کٹ دسدا اے۔ ٹائگر ہیلیکاپٹراں نوں افغانستان، لیبیا تے مالی چ لڑن واسطے ورتیا گیا اے۔
