دہیں

دہیں ددھ نوں خمیر دے کے بنی ہوئی کھان والی شے ہے۔ ایہہ گاں دے ددھ توں بندا اے پر مجھ، بکری، بھیڈ دے ددھ توں وی بن سکدا اے۔ دہیں ساری دنیا وچ کھادا جانوالا کھانا اے۔ دہیں تُرک بولی دا شبد (یوغورت) ہے۔ انسان دہیں پرانے ویلیاں توں ورتدا آ رہیا اے۔

دہیں دے بہت سارے فائدیاں دے کارن، ایہہ پوری دنیا وچ اک پسندیدا غذا ہے۔ کہا جاندا ہے کہ دہیں ددھّ نالوں زیادہ فائدہ مند ہے، دہیں صحت اَتے خوبصورتی، دوواں لئی بہت فائدہ مند ہے۔ ڈاکٹر اتے سارے ڈائٹیشیئن دپہر دے کھانے وچّ اک کٹورا دہیں کھان دی سلاہ دیندے نیں۔

اس وچّ بہت سارے غذائی اجزا ہندے نیں جیہڑے ساڈے جسم لئی فائدہ مند ہندے نیں۔ ددھّ چ چربی اَتے چکنائی دی مقدار زیادہ ہندی ہے، جس کارن کجھ وقت بعد ایہدے ماڑے اثرات ہندے نیں۔ پر اس وچّ چکنائی بہت گھٹّ ہندی ہے، گھٹّ چکنائی والے ددھّ توں بنے دہیں وچّ چربی بلکل نہیں ہندی۔

دہیں اکّ ددھّ دا محصول ہے، جس دی تیاری ددھّ دے بیکٹیریل خمیر نال ہندی ہے۔ لییکٹوز دے اُبال نال تیزاب بندا ہے، جو ددھّ دے پروٹین نال رد عمل کر کے اس نوں دہیں وچّ بدل دیندا ہے۔