گاں گھرپالے جانوالے کھروالے وڈے جانوراں چوں اک اے۔ ایہ گاں ٹبر دی سب توں عام ونڈ اے۔ ایہنوں گوشت، کھل، دد تے ایس توں بننوالیاں ہور شیواں لئی پالیا جاندا اے۔ ایس دا گویا بالن تے کھاد لئی کم آندا اے۔ کج تھانواں جیویں ہندستان وچ ایہنوں مذہبی مانتا وی ہے۔ ایہنوں پہلی واری 10,500 ورے پہلے چڑھدے دکھنی ترکی وچ پالنا شروع کیتا گیا تے ہن دنیا وچ 1.3 ارب ایسے ڈنگر ہے نیں۔
گانواں اک وڈے چار پیرانوالے، کھروالے، ددپلانے نیں۔ کئی نسلاں دے سنگ ہوندے نیں پر انسان نے اوہناں نسلاں نوں ای ودھایا جنہاں دے سنگ نکے سن تے اینج نکے یا نہ سنگاں والے والے ڈنگر عام ہوۓ۔ الف دا مطلب گاں اے۔
