چڑھدا ترکستان
(ایغورستان توں مڑجوڑ)
چڑھدا ترکستان (ایغور بولی:چڑھدا ترکستان ؛ ایغوریہ) جسنوں ایغورستان وی آکھیا جاندا اے ، وسطی ایشیا دے ترکستان علاقے دا چڑھدا حصہ اے تے ایہ ہن دے چین دے سنکیانگ ایغور خودمختار علاقے تے مشتمل اے ۔ ایس علاقے وچ 80 لکھ ایغور مسلمان ، 70 لکھ ہان چینی تے 15 لکھ قازق تے دوجے 16 اقلیتی گروہ رہندے نیں ۔
تریخ
[سودھو]9ویں صدی عیسوی تک ایہ علاقہ وکھریاں خاناناں دا حصہ رہیا تے فیر چین دے ٹانگ ٹبر دی حکومت دا حصہ بن گیا ۔ اس علاقے وچ مقامی بادشاہت خانان کاراخانی 840ء توں 1212ء تک قائم رہی ۔ وسطی ایشیا تے 13ویں صدی عیسوی ج منگول حملے دے بعد توں ایہہ علاقہ خانان چغتائی چ شامل رہیا ۔ 17ویں صدی دے اخیر چ ایہہ علاقہ مختلف منگول گروہاں وچ ونڈیا گئیا ۔ 1757ء توں 1759ء دے وچکار ژونگاراں دی شکست دے مگروں ایہ چین دی چنگ سلطنت دا حصہ ، بن ، گیا ۔