جج
جج (انگریزی: Judge) اوہ افسر ، جیہڑا قنون دے اعلا امتحانات پاس کرن توں بعد قنون نال واقفیت رکھدا ہووے تے اوہنوں کسے دیوانی یا فوجداری عدالت دی صدارت تے فائز کیتا گیا ہووے ۔ پاکستان وچ دیوانی عدالتاں دے جج سِڡل جج کہلوندے نیں تے فوجداری، ماتحت عدالتاں دے جج مجسٹریٹ ۔ البتا فوجداری عدالت بالا سیشن جج دی عدالت ہُندی اے ۔ سیشن جج نوں دیوانی اختیارات دی عدالت بالا دی حیثیت نال ڈسٹرکٹ جج کہیا جاندا اے ۔ سارے سِڡل جج سینیئر سِڡل جج دے ماتحت کَم کردے نیں ۔ سارے ایڈیشنل سیشن جج اک سیشن جج دے ماتحت کَم کردے نیں ۔ ایہناں دا دائرہ اختیار سیشن جِنا ای ہُندا اے ۔ سبھ توں پہلاں سِڡل جج بھرتی کیتے جاندے نیں تے ہائی کورٹ سصپ ایڈیشنل سیشن جج بھرتی کردی اے ۔ سِڡل جج بھرتی ہوݨ لئی وکالت وچ گھٹو گھٹ دو ورھے دا تجربا ہوݨا لازمی اے ۔ایہدا امتحان پہلاں پنجاب پبلک سروس کمیشن لیندا سی پر ہُݨ لہور ہائیکورٹ سِڡل جج دے امتحان آپ لیندی اے ۔