نیوٹن دے چلن دے قنون

چلن دا پہلا تے دوجا قنون

نیوٹن دے چلن دے قنون کسے وی شے دی حرکت دے اُتے اثرانداز ہون والیاں طاقتاں دے بارے وچ قنون نیں۔ ایہناں نوں مشہور ریاضی دے ماہر نیوٹن نیں بنایا۔ حرکت دے تین قنون نیں۔ ایہہ قنون اک کتاب وچ 5 جولائی 1687 نوں چھاپے گۓ۔

پہلا قنون

اک چیز کھڑی یا ٹردی حالت وج رویگی جدوں تک اک بارلی طاقت ایہدے وج تبدیلی نا لیاوے۔

دوجا قنون

اگر کسے چیز تے بارلا زور لگدا اے تے اوس چیز وچ ٹور دسے گی تے اوہ چیز زور والے پاسے ول ٹرے گی ایہ ٹور زور دا سدا حساب ہوئیگی تے ماس دا الٹا حساب ہوئیگی۔" (اگر اک چیز دے ودھن نال دوسری چیز اپنے آپ ودھے تے ایہ سدا حساب ہوئیگا، اگر اک چیز دے ودھن نال دوسری چیز اپنے آپ گھٹے تے ایہ الٹا حساب ہو‏یگا۔)

میتھمیٹکس وچ ایہ قنون اینج لکھیا جائیگا:

• زور = ماس X دوڑ
• دوڑ = زور/ماس
• ماس = زور/دوڑ

تیجا قنون

جدوں اک چیز دوسری تے زور لاندی اے تے نال ای دوجی چیز وی اوناں ای تے الٹا پہلی چیز تے زور لاندی اے۔