ربیعہ قدیر

ربیعہ قدیر
جنمستھان :	التائی, ایغورستان
جمن دیہاڑا :	15 نومبر 1946
رہائش:	ورجینیا، امریکہ
کم :	ایغورستان دی تحریکِ ازادی دی آگو
نیاݨے :	11

ربیعہ قدیر ایغورستان دی تحریکِ ازادی دی آگو تے ورلڈ ایغور کانگرس دی صدر اے۔ اوہناں دے پیو دا شہر خوتان تے ماں دا ابائی شہر گُلجا مارکیٹ سی۔ ربیعہ قدیر نے اپنی آٹو بایو گرافی چ اپنے والد دے بارے چ لکھیا کہ دوجا چڑھدا ترکستان لوکراج چ اوہناں نے سوویت حامی ایغور بغاوت واسطے کم کیتا۔

گرفتاری

ایغورستان دی ازادی تے چائنا مخالف سرگرمیاں دے الزام چ چینی حکومت نے اگست 1999 چ ربیعہ قدیر نوں گرفتار کرلیا۔ مارچ 2000 چ ارومچی انٹرمیڈیئٹ پیپلز کورٹ چائنا نے اوہناں نوں ضابطہ فوجداری 111 دی خلاف ورزی تے چائنا دے ریاستی بھیت کھولݨ دی مجرم قرار دے دتا۔ ربیعہ قدیر دی ارومچی جیل چ قید امریکہ دی کانگرس تے برطانیہ دی پارلیمینٹ چ وڈے رولے دے طور تے نمایاں ہوئی۔

رہائی

ربیعہ قدیر نوں بین الاقوامی دباؤ تے طبی بنیاداں اُتے 14 مارچ 2005 نوں رہا کر دتا گیا۔

ایغور تحریک تے امریکا چ قیام

ربیعہ قدیر نے ورجینیا، امریکہ چ جلاوطنی اختیار کرلئی تے ایغورستان چ چینی کمیونسٹ سرکار دے مظالم دے خلاف عالمی برادری نوں آگاہ کرن تے ایغورستان تحریک لئی دنیا توں سفارتی حمایتاں بھالݨ واسطے اپنیاں سرگرمیاں شروع کیتیاں ہویاں نیں۔