نیتی موہن

نیتی موہن
جم	18 نومبر 1979 (45 سال)  دلی، بھارت
وفات
شہریت	بھارت
بہن/بھائی	مکتی موہن
رشتے دار	شکتی موہن (بھین) کرتی موہن (sister) مکتی مووہن (بھین)
عملی زندگی
مادر علمی	میرانڈہ ہاوس، دہلی دلی یونیورسٹی
پیشہ	گلوکارہ گیت کار سنگیتکار
دور فعالیت	2003–ہن تک
	IMDB اُتے صفحہ

نیتی موہن (جم 18 نومبر 1979) دلی وکھے جنمی اک بھارتی پلیبیک گلوکارہ اے۔ اسنوں سٹوڈینٹ آف دِی ییئر (2012) فلم وچ عشقَ والا لوَ گانا گان توں بعد پرمکھتا حاصل ہوئی۔ سنوں نویں سنگیت صلاحیت لئی آرڈی برمن فلمفیئر اوارڈ ملیا اتے جب تک ہے جان (2012) فلم دے گانے جییا رے گان لئی فلمفیئر سبھ توں ودھیا پلےبیک گلوکارہ ہون دا انعام ملیا۔

امت تری ویدی دی سانڈٹریک ایلبم بامبے ویلویٹ (2015) دے چھ گانیاں دی اس دی پیشکاری نے سنگیت دے نقاداں توں مثبت ردعمل حاصل کیتا۔ اگلے سال، اس نے فلم بار بار دیکھو دے گانے سو آسمانوں لئی دوجی فلمفیئر نامزدگی حاصل کیتی۔ اسے سال وچ، موہن وائس انڈیا کڈز دے پہلے سیزن وچ اک کوچ اتے د وائس انڈیا دے دوجے سیزن وچ حاضر ہوئی سی۔ اپنے موسیقی کریئر توں علاوہ، اوہ وکھ-وکھ چیرٹیاں اتے سماجی کماں وچ وی شامل رہی اے۔

مڈھلا جیون

نیتی موہن دا جم دلی وچ ہویا سی۔ اس دے پیؤ، برج موہن شرما، اک سرکاری اہلکار ہن اتے اسدی ماں، کسم، اک گھریلو عورت اے۔ نیتی دیاں تن چھوٹیاں بھیناں شکتی موہن، کرتی موہن اتے مکتی مووہن ہن۔ نیتی نے گندھراو مہانودیالے وچ سنگیت سکھیا۔ اس ویلے دے دوران، اوہ ناٹک اتے ناچ وچ وی شامل رہی، پر سنگیت سدا مکھ شونق سی۔

اپنے سکول دے دناں دوران، نیتی سکول دے بینڈ دا حصہ سی، اتے اسنے لگاتار پنج سالاں لئی دلی جمہوریہ دن پریڈ وچ حصہ لیا سی۔ اسنے سکول وچ سنگیت، ناچ، بینڈ اتے تھئیٹر وچ وی حصہ لیا۔ اسنوں بھارت دے نیشنل کیڈیٹ کور وچ سبتوں ودھیا کیڈیٹ چنیا گیا سی اتے اسنے یوتھ ایکسچینج پروگرام کیڈیٹ وجوں بھارت دی نمائندگی کیتی سی۔ بعد وچ، اسنے بھٹکھنڈ سنگیت سنستھان وکھے رسمی طور اُتے سنگیت سکھیا حاصل کیتی اتے ممبئی وچ راجشری پاٹھک نال پنج سالاں لئی لگاتار سکھلائی جاری رکھی۔ سنگیت سکھلائی توں علاوہ، نیتی نے اپنیاں دو بھیناں نال ناچ دا مطالعہ وی کیتا۔ اسنے ایشلے لوبو دی نگرانی ہیٹھ بھرتناٹئم اتے کتھک دی سکھلائی حاصل کیتی۔ نیتی نے میرانڈا ہاؤس، دلی یونیورسٹی توں فلاسفی وچ گریجوئیشن کیتی۔

حوالے