پروشیا

پروشیا
1525–1947
جھنڈا	نشان
راجگڑھ:	برلن
رقبہ:	297,007 ک م²
لوک گنتی:	41,915,040

پروشیا اک تریخی جرمن ریاست سی جیڑی پروشیا تے برانڈنبرگ نوں رل کے بنی سی۔ پروشیا نے جرمنی تے یورپی تریخ گوڑے نشان چھڈے۔

بول پروشیا پرانے پروشین توں بنیا اے جیڑے بالٹک سمندر دے کنڈے تے لیٹویا تے لیتھوینیا نال جڑے ہوۓ لوک سن جناں تے ٹیوٹن جیداراں نے مل مار لیا۔ وشکارلے تے لیندے جرمنی توں لوکاں دے آن نال اے تھاں جرمن ہوندی گئ۔ 1618 چ برانڈنبرگ تے پروشیا اکھٹے ہوۓ تے 1701 چ پروشیا دے اک بادشاہ دی ریاست ہون دا ڈھنڈورا پٹیا گیا۔ فریڈرک (1740-1786) دے ویلے پروشیا یورپ دی اک وڈی تے تگڑی ریاست سی۔ چانسلر بسمارک نیں نکیاں نکیاں جرمن ریاستاں نوں اکھٹا کر کے 1871 چ جرمن سلطنت دی نیو رکھی جیدے چ وڈا پاسا پروشیا دا سی۔ پروشیا سیاست، سائنس تے ہور دوجیاں راہواں چ سب توں اگے سی۔ ہوہنزولرن بادشاہواں دے دور چ پروشیا سب توں اتے سی پر 1918 دی ہار توں بعد ہوہنزولرن ٹبر مک گیا 1947 چ جرمنی دے دشمناں نیں پروشیا جیڑا کے جرمنی دا اک صوبہ سی اونوں مکا دتا بلکہ اودا ناں لینا وی بند کر دتا گیا۔

بوہت سارے جرمناں دا خیال اے جے اے پروشین گن سن جیڑے پروشیا تے جرمنی دے اک وڈی ریاست ہون دی وجہ بنے ایناں گناں چ تنظیم نظم و ضبط قربانی قنون دا احترام اعتباری ایمانداری کفایت شعاری ٹیم دی پابندی سخت محنت سادگی اے اوہ گن سن جنہاں نے پروشیا تے جرمنی نوں اک وڈی ریاست بنایا۔