ابن خلدون

Wikipedia توں
جاو: مدد, کھوج
ابن خلدون
Ibn Khaldoun-Kassus.jpg
جیون 1332 نوں جمیا
1406 نوں مریا(عمر 74)
دیس تیونس افریقہ
کم سینسدان، پروفیسر, عالم
گن سعاب
معاشیات
فلکیات
تریخ
اسلام
فلسفہ


ابن خلدون 1332ء چ تیونس چ جمیا تے اسدا پورا ناں ابو زید ولی الدین عبدالرحمن ابن خلدون سی . اوہ اک سیاستدان ، فلسفی ، اسلامی تلیم دا ماہر, اک عالم تے تریخ لکھن آلا سی ۔

اپنی پڑھائی توں فارغ ہون دے بعد اوہ تیونس دے سلطان ابو عنان دا وزیر مقرر ہوئیا ، پر درباری سازشاں توں تنگ آ کے حاکم غرناطہ کول ٹر گئیا ۔ ایہہ تھاں وی راس نا آئی تے مصر آگئیا تے جامعہ الازہر چ پڑھانا شروع کر دتا۔ مصر چ اسنوں مالکی فقہ دا منصب قضاء دا کم دتا گیا تے مرن تکر ایہو کم کردا ریا ۔


ابن خلدون نوں تریخ تے عمرانیات دا گرو منیا جاندا اے ۔ اس نے العرب دے ناں توں ہسپانوی عرباں دی تریخ وی لکھی سی جہڑی 2 جلداں چ چھاپی گئی سی ۔ پر اسدا سب توں وڈا کارنامہ اک کتاب اے جیڑی مقدمہ فی التاریخ دے ناں توں چھپی تے مقدمہ ابن خلدون دے ناں توں مشہور اے۔ ایہہ کتاب اپنے اندر سیاسیات ، عمرانیات ، معاشیات تے ادب بارے علم دا بڑا وڈا خزانہ رکھدی اے۔ ابن خلدون نے اپنی حیاتی بارے وی اک کتاب لکھی جیدے وچ اونیں اپنی حیاتی بارے اک اک گل لکھی اے۔ پر ایس کتاب چ اوناں دی ذاتی حیاتی تے خاندان بارے کھل کے نئیں دسیا گیا۔

حیاتی[لکھو]

خاندان[لکھو]

ابن خلدون دا تعلق اندلسیہ دے اک اچے خاندان بنو خلدون نال سی تے ایس کر کے خلدون ایناں دے ناں دا حصہ اے۔ ابن خلدون نے اپنی حیاتی بارے وی اک کتاب لکھی جیدے وچ اونیں اپنی حیاتی بارے اک اک گل لکھی اے۔ پر ایس کتاب چ اوناں دی ذاتی حیاتی تے خاندان بارے کھل کے نئیں دسیا گیا۔


تلیم[لکھو]

اپنے خاندان دے ناں دی وجہ توں ابن خلدون نوں افریقہ دے اوس ویلے دے منے پر منے استاداں کولوں پڑھن دا موقع ملیا۔ اوناں نیں اسلام دی ودیا تلیم حاصل کیتی تے قرآن نوں زبانی یاد کیتا۔ قرآن ، حدیث، فقہ تے شریعت نوں سمجن لئی عربی بولی چ ماہر ہونا ضروری اے۔ تے ابن خلدون عربی بولی چ ماہر سن۔ ایناں نوں اجازتہ دی سند وی دتی گئی۔

سعاب ، فلاسفہ تے منطق دے مضمون چ ابن خلدون نے ابن رشد، طوسی، ابن سینا تے الرازی دے کم بارے پڑھیا۔

ایناں دی عمر دے سترویں ورے چ ایناں دے ماں پیو 1348–1349 چ تیونس وچ پھیلن آلی مرگ سیاہ دی بماری نال مر گئے۔

تیونس تے گرناڈا چ[لکھو]

اپنی عمر دے 20 ویں ورے چ ابن خلدون نے تیونس دے چانسلر دی حیثیت نال سیاسی زندگی دی شروعات کیتی۔

بارلے جوڑ[لکھو]

ابن خلدون دی جیون کعانی مختلف بولیاں چ