دمشق
| دمشق | ||
| رقبہ: | 573 مربع کلومیٹر | |
| لوک گنتی: | 40 لکھ | |
| بولی: | عربی | |
دمشق جمہوریا شام دا راجگھر تے دنیا دے قدیم ترین شہرا چوں اک اے اسنوں الشام وی آکھیا جاندا اے ۔ ایہہ سطح سمندر توں 2260 فٹ دی بلندی تے آباد اے ،اس دی چارے پاسے باغاپ تے مرغزار نیں جنہاں دے آسے پاسے پہاڑیاں پھلیاں ہوئیاں نیں ۔
[لکھو] تریخ
زمانہ قدیم چ ایہ شہر علی الترتیب آرمینی ، اشوری ،تے اہل فارس دے زیر تساط رہیا ۔ 333 قبل مسیح چ اسنوں سکندر اعظم نے فتخ کیتا تے 62 ق م چ ایہہ رومی سلطنت دا صوبائی مرکز بنیا ۔
خلافت عمر فاروق چ 635ء ایہہ شہر اسلامی خلافت چ شامل ہوئیا تے 661ء توں 744 ء تک اموی خلافت دا صدر مقام رہیا ۔ عباسیاں نے بر سر اقتدار آ کے بغداد نوں دارالحکومت بن لئیا پر دمشق دی اہمیت فیر وی باقی رہی ۔ صلیبی جنگاں دے دوران ایہہ شہر کافی عرصے میدان جنگ رہیا ۔ 1260ء چ ہلاکو خان نے اس دی اٹ نال ٹ=اٹ بجا دتی تے فیر سو سال بعد امیر تیمور نے اسنوں فتح کیتا ۔ 1516ء عثمانی ترکاں نے اسنوں عثمانی سلطنت چ شامل کر لئیا ۔
جدوں شام فرانس دی تولیت چ دتا گئيا تے حلب شہر دے نال دمشق وی ملک دا دارالحکومت رہیا تے 1946ء چ آزاد شام دا راجگھر بنیا ۔
[لکھو] آخری آرام گاہ
اس شہر نوں ایہہ فخر وی حاصل اے کہ 3 عظیم الشان اسلامی فاتحین نور الدین زنگی ، صلاح الدین ایوبی ، تے رکن الدین بیبرس دیاں آخری آرام گاہاں ایتھے نیں ۔
