اودبلا

Wikipedia توں
جاؤ: پاندھ, کھوج
شمالی دریائی اوبلا
سمندری اودبلا
یوریشیائی اودبلا ، انگلینڈ

اودبلا اک مچھی کھان آلا پستانیہ جانور اے ، جس نوں لدھر وی آکھئیا جاندا اے ۔ ایہہ پانی تے خشکی دوناں تھانواں چ رہن دی صلاحیت رکھدا اے ۔

اوبلا اوداں تے مچھی تے شیل فش کھاندے نیں پر دوجے نگے جانور تے پرندے وی کھا جاندے نیں ۔

جیون[لکھو]

اودبلا دا حمل دا دورانیہ 60 توں 86 دن ہندا اے تے نویں جمن آلے بچے دی حفاظت ماں پیؤ تے دوجے رشتے دار کردے نیں ۔ اک مادہ اودبلا 2 سال چ جوان ہندی اے تے نر اوبلا تناں سالاں چ جوان ہندا اے ۔ اسدا بچہ اک مہینے داہون تے اپنی گپھا توں نکل سکدا اے تے 2 مہینے دا ہون تے تیرن لگ پیندا اے ۔ بچہ اپنے ٹبر نال 1 سال تک رہندا اے ۔ اوبلا 10 سال تک جی سکدا اے۔

خدوخال[لکھو]

اوبلا لمبے پتلے جسم دے ہندے نیں تے نکیاں نکیاں لتاں تے جھلی دار پنجے رکھدے نیں ۔ اینہاں دے پیراں تے تکھے نونہہ ہندے نیں ۔ اینہاں دی لمبائی 2 توں 6 فٹ تے وزن 5 توں 45 کلوگرام تک ہندا اے۔