بجریگر

Wikipedia توں
جاؤ: پاندھ, کھوج
بجریگر
Budgerigar-strzelecki-qld.jpg
دیس: جنور
برادری: کورڈیٹ
ٹولی: پنچھی
پتی: طوطا
ٹبر : طوطا ٹبر
سائنسی ناں: Melopsittacus undulatus
Budgerigar map.png
دنیا تے بجریگر دی تھاں رتے رنگ وچ

بجریگر طوطا ٹبر دا اک پنچھی اے۔ ایہ اک نکا، لمی پوچھلوالا بی کھانا طوطا اے جیہڑا اسٹریلیا دے سکے تھانواں دا واسی اے۔ ایہدا بجریگر ناں کنج پیا کسے نوں نہیں پتہ پر ایہ کتے تے بلی مگروں دنیا دا تیجا سب توں لامت پالیا جانوالا جانور اے[1]۔ ایہنوں بجری وی کیندے نیں۔ جنگلاں وچ جنگلی بجریگر دا رنگ ہرا ہوندا اے پر پالن والیاں نے ایہدے چوں اپنی مرضی دے رنگ تے ناپ بناۓ نیں۔

وکھالہ[لکھو]

جنگلی بجریگر دی مدری لمبائی 18 سینٹی میٹر (7 انچ) تے مدرا جوکھ 30–40 گرام ہوندا اے۔ ٹڈ تے پچھلا مگر ہلکا ہرا ہوندا اے۔ پر تے پچھا کالا جیدے اوتے پیلیاں دھاریاں بنیاں ہوندیاں نیں۔ مونہہ تے متھا پیلے ہوندے نیں۔ گل تے اک جامنی پٹی ہوندی اے تے گلے دونوں پاسیاں تے تن تن کالے نشان ہوندے نیں۔ پوچھل گوڑھی نیلی ہوندی اے۔ ایدی چنج زیتونی سانولی تے پنجے نیلے سانولے ھوندے نیں۔

ایہدی اتلی چنج توں تھلویں چنج ادھی ہوندی اے تے اوہ دسدی نہیں۔ ایس چنج نال ایہ فروٹ، بوٹے تے سبزیاں کھا جاندا اے۔ ایس دی چنج دی پکڑ وی ڈاہڈی ہوندی اے۔


پالن[لکھو]

بجری نوں 1850 توں پالیا جاریا اے تے پالن والیاں نے ایہدیاں ناپ، رنگ تے پراں دے وکھراپے نال کئی ونڈاں بنائیاں نیں۔ ایہ ملن ورتن والا پنچھی اے۔ ایہ بولدا اے سیٹیاں ماردا تے انساناں نال کھیڈدا اے۔ دونویں نر مادھ گاندے تے نقلاں لاندے نیں پر ایس کم وچ نر اگے نیں۔ایہ کسے وی شے تے چک ماردیگا جیدے نال ایہدی چنج رگڑی جاوے۔

پنجریاں وچ بجری 5 توں 8 سال تک جیوندے نیں تے 15–20 سال دے وی ویکھے گۓ نیں۔[2]

بجریگر
Melopsittacus undulatus -Fort Worth Zoo-8a-4c.jpg Wellensittich wild aus australien.jpg Detail shot of budgerigars head.jpg Simferopol zoo - bird.jpg
بجریگر بجری جنگل وچ بجری دا سر نیلا بجری

ایہ طوطے رکھاں دیاں موریاں تے تھلے ڈگیاں لکڑاں وچ موریاں وچ آلنے پاندے نیں تے 4 توں 6 تک انڈے دیندے نیں جنہاں اتے ایہ 18–21 دناں تک بیٹھدے نیں۔ چوچے آنڈیاں توں نکلن مگروں 30 دناں مگروں آلنے توں اڈ جاندے نیں۔ مادھ نر بنا وی انڈے دے سکدی اے پر اوہدے چوں چوچے نہیں نکلدے۔ آنڈے 1 توں 2 سینٹی میٹر تک لمے ہوندے نیں۔ مادھ آپ ای آنڈیاں تے بیندی اے تے نر نوں نہیں بیٹھن دیندی۔

بارلے جوڑ[لکھو]

اتہ پتہ[لکھو]

  1. (2003) "Parrots, Lories, and Cockatoos", The New Encyclopedia of Birds, 1, Oxford: Oxford University Press. ISBN 9780198525066. 
  2. "Birds Online — Life span of a budgie". http://www.birds-online.de/allgemein/alter_en.htm. Retrieved on 26 December 2005.