جنگ اہرام

Wikipedia توں
جاؤ: پاندھ, کھوج
File:Battle of Pyramids 1798.jpg
وائسیخ کوساک دی بنائی مورت جنگ اہرام
جنک اہرام ، فرانسیس لوئس جوزف واٹیو
جنگ اہرام چ نیپولین نے جدید ہتھاراں تے تکنیکاں نال مملوکاں نوں شکست دتی

جنگ اہرام 21 جولائی 1798ء چ فرانس دے حکمران نیپولین بونا پارٹ دیاں فوجاں تے مصر دے مملوکاں وچکار لڑی جان آلی اک جنگ سی ۔ ایہہ جنگ مصر چ فرانسیسی حملےآں دے سلسلے چ لڑی گئی جنگاں دا حصہ سی ۔ جس چ نیپولین نے نویں حکمت عملی دا ورتا کردے ہوئے فتح حاصل کیتی ۔ نیپولین نے اس جنگ نوں جنگ اہرام دا ناں دتا سی ، حالانکہ اہرام مصر اس تھاں توں کجھ دور سن پر میدان جنگ توں اینہاں نوں ویکھئیا جاسکدا سی ۔ نیپولین دے ہتھوں اسکندریہ دی فتح دے مگروں اس جنگ چ مملوکاں دے مصر توں 700 سالہ اثر تے رسوخ دے خاتمے دا پہلا نقطہ بنی ۔ نیپولین دی جنگی حکمت عملیاں تے جدید فوج دے ساہمنے روایتی جنکی ساز و سامان تے تکنیک نال لیس مملوک فوج نوں کوئی کامیابی نا ملی تے بھاری نقصان چکن مگروں مصر چ مملوکاں دی حکومت دا ہمیشہ لئی خاتمہ ہوگئیا ۔ مملوک سردار مراد بے شکست دے بعد نسن چ کامیاب ہوگئیا تے کجھ چر تک اس نے اتلے مصر چ اس نے گوریلا جنگ جاری رکھی ۔ فرانسیسیاں دی اس عظیم الشان فتح دا نشہ صرف 10 دن برقرار رہئیا ، کیونجے برطانیہ نے اسکندریہ دے لاگے خلیج ابو قیر چ موجود فرانسیسی بیڑے نوں تباہ کر کے نیپولین دے لہندے ایشیا تے مل مارن دے خاب نوں چکنا چور کر دتا سی ۔ ایہہ بحری جنگ نونجنگ نیل یاں جنگ خلیج ابو قیر کہلاندی اے ۔ جس تھاں جنگ اہرام لڑی گئی اوہ ہن موجودہ قاہرہ دے لہندے حصے چ شامل اے تے میدان جنگ دے کوئی نشان باقینئیںبچے۔