جگت ماں بولی دیہاڑ

Wikipedia توں
جاو: مدد, کھوج
شہید مینار ڈھاکہ بنگلہ دیش 21 فروری 1952 دے مرن والیاں دی یاد وچ

جگت ماں بولی دیہاڑ ہر سال 21 فروری نوں منایا جانوالا دیہاڑ اے جدوں رہتلی فرقاں تے چوکھیاں بولیاں نوں منایا جاندا اے۔ ایہ دیہاڑ منان دا سدا پہلی واری یونیسکو نے 17 نومبر 1999 نوں دتا۔ ایس گل نوں یونائیٹڈ نیشنز دی جنرل اسمبلی نے 2008 وچ 2009 نو بولیاں دا جگت ورہ مندیاں ہویاں ہویاں منیا۔ ایہ دیہاڑ ہر ورہے, 2000 توں منایا جاریا اے۔

ایہ دیہاڑ 1952 وچ 21 فروری دے دیہاڑ دی یاد وچ منایا جاندا اے جدوں پاکستانی پولیس نے ڈھاکہ چڑھدے پاکستان (ہن بنگلہ دیش) وچ اپنی ماں بولی دی مانگ کردے ہوۓ پڑھاکواں تے گولی چلا دتی تے 4 نوں مار دتا۔ ایس توں پہلے 21 مارچ 1948 نوں ڈھاکہ وچ محمد علی جناح نے چڑھدے پاکستان تے لیندے پاکستان وچ اکو بولی اردو لاگو کرن دا آکھیا۔

16 مئی 2009 نوں یونائیثڈ نیشنز دی جنرل اسمبلی نے اپنے A/RES/61/266 دے فیصلے وچ اپنے سنگی دیساں نوں " جگ دیاں ساریاں ورتیاں جانوالیاں بولیاں نوں بچان تے ودھان لئی آکھیا"۔


بارلے جوڑ[لکھو]