اقوام متحدہ

Wikipedia توں
جاؤ: پاندھ, کھوج
اقوام متحدہ دا چنڈا

اقوام متحدہ یا یونائٹڈ نیشنز (United Nations Organization: UNO) اک بین الاقوامی ادارے دا ناں اے۔ اے جگ دے دیساں دی اک سنگت اے جیہڑی دیساں دے وشکار قنون چلان، وادے، امن تے رل مل کے رہن چ ہتھ ونڈاندی اے۔ ایدی نیو 1945 چ رکہھی گئی سی تے ایدے ہن 192 سنگی نیں۔ ایدا گڑھ امریکہ دا شہر نیو یارک اے۔


اے ادارہ 1945 چ دوجی جنگ عظیم دے مُکن توں بعد لیگ آف نیشنز دی تھاں ٹوریا گیا سی۔ شروع چ ایس ادارے دا کم دیساں دے وچکار جنگاں ، لڑائیاں نوں روکنا تے گل بات کرن لئی اک اڈا بنانا سی۔ ایس ادارے دے مقصد نوں پورا کرن لئی کئی ماتحت ادارے رل مل کے کم کردے نیں۔

ایس ادارے نوں 1988 چ امن دا نوبل انعام دتا گیا۔


تریخ[لکھو]

1919 نوں لیگ آف نیشنز دے ناں توں اک ادارہ بنایا گیا جیڑا جگ دے دیساں دے وشکار امن قائم کرن تے رل کے رہن بارے کم کردا سی۔ لیکن اے ادارہ 1939 نوں شروع ہون آلی دوجی جنگ عظیم (1939–1945) نوں نا روک سکیا۔ تے وڈی گنتی چ انسانی جاناں تے علاقے ایس جنگ دی لپیٹ چ آ گئے۔ ایس کر کے 1945 نوں جنگ مکن توں بعد 'یونائیٹڈ نیشنز' دے ناں توں اک ادارے دی نیوں رکھی گئی کیونجکہ کسی تیجی جنگ عظیم نوں روکیا جائے۔

سب توں پہلاں بقاعدہ طور تے ایس ادارے دا ناں 1 جنوری 1942 نوں ورتیا گیا تے ایس ادارے دا اعلان 24 اکتوبر 1945 نوں کیتا گیا۔ اوس ویلے 50 دیس ایس ادارے دے سنگی بنے جناں چوں پنج دیس پکے سنگی بنائے گئے۔ پکے سنگیاں وچ فرانس، چین، سوویت یونین، امریکہ تے برطانیہ شامل نیں۔

یونائٹڈ نیشنز دی جنرل اسمبلی دی پہلی بیٹھک جنوری 1946 نوں لندن چ بلائی گئی جیدے وچ کل 51 سنگی دیساں نے حصہ لیا۔


یونائیٹڈ نیشنز دی مخالفت ایدے ٹرن نال ای شروع ہو گئی تے امریکہ دی جان برچ سوسائٹی ایدی سب توں پہلی تے وڈی مخالف سی۔ 1959 نوں ایس سوسائٹی نے امریکہ نوں ایس ادارے دی سنگت نوں روکن لئی اک تحریک وی شروع کیتی۔

ایدا اک ہور مخالف اک مشعور فرانسیسی سیاستدان تے جنرل چارلس ڈیگال وی سی جیدے مطابق صرف اک ادارہ پورے جگ چ امن تے دیساں دے وشکار دوستی نئیں پیدا کر سکدا۔ او دیساں دے وچکار اپنی حفاظت آپ کرن دا حمایتی سی۔

انتظامی ونڈ[لکھو]

مجموعی طور تے یونائٹڈ نیشنز دا نظام پنج وڈے تے اہم حصے رل کے ٹوردے نے، ایناں دے ناں: جنرل اسمبلی، حفاظتی کونسل، معاشی تے معاشرتی کونسل، سیکرٹریٹ تے بین الاقوامی عالمی عدالت نیں۔ ایناں چوں چار حصے نیو یارک وچ یو این دے وڈے اڈے چ واقع نیں۔


مقصد[لکھو]

سرمایا[لکھو]

بارلے جوڑ[لکھو]

سرکاری ویب سائیٹاں دے جوڑ



ہور پڑھو[لکھو]