دریائے کاما

Wikipedia توں
جاو: مدد, کھوج
دریائے کاما
Kamarivermap.png
وولگا دے وگن دا نقشہ جس چ دریائے کاما دسیا گیا اے
مڈھ ادمرتیا
دیس
روس
انت دریائے وولگا
لمبائی
1،805 کلومیٹر
سمندری پدھر توں اچائی 360 میٹر
پانی دا نکاس
1،40،000 مکعب فٹ / سیکنڈ
طاس دا تھاں 5،07،000 مربع کلومیٹر

دریائے کاما (روسی چ ریکا کاما ، تاتاری بولی چ چلمان) روس دا اک وڈا دریا اے ، جہڑا دریائے وولگا دا کھبے پاسے دا سبتوں لمبا دریا اے تے پانی دے نکاس دے حساب نال سبتوں وڈا ، حقیقت چ ، ملاپ توں پہلاں ایہہ دریائے وولگا نالوں وڈا اے ۔

ایہہ روسی لوک راج ادمرتیا چ کولیگا لاگےاوں شروع ہندا اے تے 125 میل اتلے لہندے ول وگدا اے تے فیر لوینو لاگے اتلے چڑھدے ول مڑ کے ہور 125 میل وگدا ، فیر ایہہ پرم کرائی چ دکھن تے لہندے ول مڑدا اے ، مڑ دوبارہ ایہہ دریا ادمرتیا تھانیں وگدا اے تے فیر تاتارستان چ داخل ہندا اے جتھے ایہہ دریائے وولگا نال ملدا اے ۔

ترک لوکاں وچکار ، ایہہ دریا چلمان دے ناں نال جانیا جاندا اے ،تے دریائے ولگا دا مڈھ سمجھیا جاندا اے۔

اس دریا دی کل لمبائی 1،805 کلومیٹر (1،122 میل) اے ۔ دریائے کاما دے وڈے معاون دریاواں چ ، دریائے کوسا ، دریائے وشیرا ، دریائے سیلوا ، دریائے چوسووایا ، دریائے بیلایا ، دریائے اک ، دریائے اژ ، دریائے زے ، دریائے وئیاتکا تے دریائے میوشا نیں ۔

دریائے کاما دے کنڈے آباد شہر سولیکامسک ، بریزنیکی ، پرم ، ساراپل تے نابیریژنے چیلنی نیں ۔ ایہہ دریا کوہ یورال دے لہندے چ واقع اے تے اک اہم تجارتی رستہ اے ۔

Kama River (4x3 photo).jpg

ریل راہاں دی اساری توں پہلاں دریائے کاما ، دریائے پیچورا تے دوینا دے طاساں نال منسلک سی ۔ 19ویں صدی عیسوی دے بلکل شروع چ اتلی ییکیترنینسکی نہر راہیں دریائے کاما دا اتلا حصہ ، دریائے ویچیدگا (دریائے دوینا دا معاون دریا) نال جڑ گیا ۔

ڈیم تے ریزروائر[لکھو]

دریائے کاما اتے کئی تھانواں اتے ڈیم بنائے گئے نیں :

  • پرم چ کاما ہائیڈوالیکٹرک سٹیشن' دے ڈیم نال کاما ریزیروائر بنایا گیا اے ۔
  • چیکووسکی چ ووتکنسک ہائیڈوالکٹرک سٹیشن دے ڈیم نال ووتکنسک ریزیروائر بنایا گیا اے ۔
  • نابیریژنے چیلنی چ نیژنیکامسک ہائیڈروالکیٹرک سٹیشن دے ڈیم نال نیژنیکامسک ریزیروائر بنایا گیا اے ۔

مورت نگری[لکھو]


ہور ویکھو[لکھو]

باہرلے جوڑ[لکھو]