دکھنی ایشیا

Wikipedia توں
(لیایا گیا دکھنی ایشیاء)
جاؤ: پاندھ, کھوج
South asia.jpg

دکھنی ایشیاء ایشیاء دے دکھن چ وسدے دیساں لئی رلا کے ورتے جاندے نیں۔ دکھنی ایشیاء چ اے دیے ہیگے نیں: پاکستان ہندستان نیپال بھوٹان بنگلہ دیش سری لنکا تے مالدیپ۔


دکھنی ایشیا براعظم ایشیاء دے دکھنی علاقےآں نوں آکھئیا جاندا اے ، جہڑے برصغیر پاک و ہند تے اسدے نالدے علاقےآں تے مشتمل نیں ۔ ایہہ علاقہ لہندے ایشیا ، وسطی ایشیا ، چڑھدے ایشیا تے چڑھدے دکھنی ایشیا دے وچکار واقع اے ۔

دکھنی ایشیا اینہاں دیساں تے مشتمل اے جہڑے علاقائی تنظیم سارک دے رکن وی نیں ، جنہاں چ پاکستان ، افغانستان ، ہندستان ، بنگلہ دیش ، مالدیپ ، نیپال ، بھوٹان تے سری لنکا شامل نیں ۔ اس دی علاوہ بحر ہند چ برطانوی مقبوضات وی دکھنی ایشیاء چ شمار کیتے جاندے نیں ، اقوام متحدہ ایران نوں وی دکھنی ایشیا دا حصہ قرار دیندی اے ، جدوں کہ عام طور تے اوہ مشرق وسطی دا حصہ سمجھئیا جاندا اے ۔ اس دے علاوہ ثقافتی وجوہات دی بنا تے کدے کدائیں تبت(چین) نوں وی دکھنی ایشیا چ شمار کیتا جاندا اے ۔


جغرافیائی اصطلاح[لکھو]

دکھنی ایشیا دیاں مختلف تعریفاں

جغرافیائی طور تے برصغیر دی اصطلاح اس علاقے لئی ورتی جاندی اے جہڑا ہندی پرت تے قائم اے جس دے اتلے چ یوریشین پرت اے ، جدوں کہ سیاسی طور تے اس اصطلاح چ ہندی پرت دے باہرلے علاقے وی شامل کیتے جاندے نیں ، خصوصا افغانستان جس دے اپنے گوانڈھی پاکستان نال سیاسی ، سماجی تے نسلی (پشتون) طور تے پرانے تعلقات نیں ۔ جدوں کہ پاکستان چ دریاۓ سندھ دے لہندے چ واقع علاقے تریخی وجہاں دی بنا تے کدی کدائیں وسطی ایشیا چ شمار کیتے جاندے نیں ، جس دی اک مثال بلوچستان اے جہڑا ہندی پرت تے قائم نئیں بلکہ سطح مرتفع ایران دے کنڈےآں تے واقع اے ۔


تریخ تے اعداد و شمار[لکھو]

دھکنی ایشیا دا مقامی بولیاں چ نقشہ

چونکہ دکھنی ایشیاء تریخ چ ہمیشہ بیرونی حملہ آوراں دی زد چ رہئیا اے اس لئی اسدی ثقافت وی مختلف قوماں دے ملاپ نال بنی اے ۔ پر لوکآں دی اکثریت ہندو مت تے اسلام نوں مندی اے ۔ ایسے لئی دکھنی ایشیا دی رہتل تے دونہاں مذہباں دی گھوہڑی چھاپ اے ۔

دکھنی ایشیا جگ دے گنجان آباد ترین علاقےآں چ شمار ہندا اے ۔ ایتھے تقریبا 1 ارب 60 کروڑ لوک رہندے نیں جہڑا دنیا دی کل آبادی دا پنجواں حصہ اے ۔ایتھے آبادی دی کثافت 305 بندے فی مربع کلومیٹر اے جہڑی دنیا بھر دی اوسط کثافت توں 7 گنا ودھ اے ۔

ہور ویکھو[لکھو]

باہرلے جوڑ[لکھو]