شریف کنجاہی
شریف کنجاہی(1915-2007) پنجابی دے شاعر تے لکھاری سن۔ اوہ پنجاب یونیورسٹی چ پنجابی دے پہلے گرو سن۔اوہ شاعر، نثر لکھاری تے پنجابی بولی دے گرو سن۔
[لکھو] پہلا جیون
شریف 1915 نوں کنجاہ ضلع گجرات پنجاب چ جمے ۔ 1930 چ کنجاہ توں میٹرک تے جیلم توں انٹر کیتا۔ ایس ویلے ایس ویلے اونہاں نے شاعری لکھنی شروع کردتی سی تے ترقی پسند تحریک وچ شامل سن انڈین نیشنل کانگرنس نال اونہاں دیاں ہمدردیاں سن۔ 1943 چ اونہاں نے منشی فاضل فیر بی اے کیتا تے لہور توں استاد بنن دا کورس کیتا۔اوناں نے اردو تے فارسی چ ایم اے کیتا تے گورمنٹ کالج اٹک چ لیکچرار لگ گئے
[لکھو] جگراتے
جگراتے اوہدیاں نظماں دا پہلا مجموعہ سی۔ جیہڑا 1958 چ مشرقی پنجاپ چوں گرمکہی چ چہپیا ایدے وچ 37 نظماں سن۔دوجی کتاب 1995 چ آئ۔
[لکھو] نثر
شریف نے رسل تے اقبال دے فلاسفی تے مضموناں دا پنجابی چ ترجمہ کیتا۔ قران دا پنجابی چ ترجمہ وی اوناں دا اک ودیا کماے۔
