لال بہادر شاستری

Wikipedia توں
جاؤ: پاندھ, کھوج
لال بہادر شاستری


بھارت دا دجا وزیر اعظم
منصب اتے
9 جون 1964 – 11 جنوری 1966
صدر سرویپلی رادھاکرشنن
پیشرو جواہر لال نہرو
جانشین گلجاری لال نندہ (انترم)

وزیر خارجہ
منصب اتے
9 جون 1964 – 18 جولائی 1964
پیشرو گلجاری لال نندہ
جانشین سردار سورن سنگھ

وزیر داخلہ
منصب اتے
4 اپریل 1961 – 29 اگست 1963
وزیرِ اعظم جواہر لال نہرو
پیشرو گوبند ولو پنت
جانشین گلجاری لال نندہ

جم 2 اکتوبر 1904
مغل سرائے، بھارت
وفات 11 جنوری 1966
تاشقند، سوویت یونین
سیاسی جماعت انڈین نیشنل کانگرس
زنانی لالتا شاستری دیوی
سکونت 10 جنپتھّ، نویں دلی
پیشہ اکیڈمک اؤکٹیوٹی
مذہب ہندو

لال بہادر شاستری (2 اکتوبر 1904– 11 جنوری 1966) بھارت دا دوجا وزیر اعظم سی اتے انڈین نیشنل کانگرس پارٹی دا لیڈر سی۔

جم[لکھو]

لال بہادر شاستری دا جنم وارانسی دے چھوٹے جہے پنڈ مغل سرائے وچّ ہویا۔ محکمہ تعلیم نال تعلق رکھن آلا اسدا پیؤ شاردا پرساد صرف ڈیڈھ سال دی عمر وچّ ہی اسنوں یتیم کرگیا۔ اسنوں پالن پوسن دی ذمہ واری اسدی ماں رامدلاری نے نبھائی۔ غریبی اتے مشکل وچّ اسنے اپنی مڈھلی پڑھائی پوری کرن لئی وارانسی دے ہریش چندر سکول وچّ داخلہ لیا۔

تحریک آزادی چ حصہ[لکھو]

جدوں 1921 وچّ مہاتما گاندھی نے وارانسی آ کے بھارت نوں آزاد کرواؤن لئی نوجواناں نوں اکسایا تاں صرف 17 سال دی عمر وچّ شاستری لے آزادی دی تحریک چ شمولیت اختیار کر لئی ۔ پڑھائی نوں چھڈّ لال بہادر تحریک آڑادی وچّ کد پئے اتے ڈھائی سال لئی جیل وچّ بند رہے۔ بعد چ شاستری نے کاشی ودیاپیٹھ چ داخلہ لیا۔ اتھے اس دی ملاقات ڈاکٹر. بھگوان داس، آچاریہ کرپلانی، سریپرکاش اتے ڈاکٹر. سمپورنانند نال ہوئی۔ ایہناں توں اس نے سیاست دی سکھیا تاں حاصل کیتی ہی، نال ہی شاستری دی ڈگری وی پائی اتے لال بہادر توں لال بہادر شاستری بن گئے۔ الہٰ آباد نگر نگم اتے امپروومینٹ دے میمبر وی بنے۔ اس توں بعد الہٰ آباد ضلع کانگرس دی مہا-مہم لئی وی چنے گئے۔

سرکاری عہدہ[لکھو]

شاستری دے سیاسی جیون اتے پنڈت گوبند ولبھ پنت دا وی بہت پربھاو رہا۔ 1937 وچّ اتر پردیش ودھان سبھا دے میمبر چنے گئے۔ 1940 وچّ انگریز حکومت نے آپ نوں گرفتار کرکے جیل وچّ ڈکّ دتا۔ اسے طرحاں جدوں 1942 وچّ مہاتما گاندھی نے ‘‘بھارت چھڈو’’ اتے ‘‘کرو جاں مرو’’ دے نعرے لائے، اس ویلے وی باقی قومی آگواں نال شاستری نوں جیل وچّ بند کر دتا گیا۔ 1945 وچّ جیل وچوں چھٹن توں بعد اتر پردیش دے وزیر اعلی پنڈت گوبند ولبھ نے اسنوں نوں سبھا-سچو بنا لیا۔ 1947 وچّ شاستری نوں وزیر داخلہ دا عہدہ ملیا۔ بعد چ شاستری ہندستان دی مرکزی حکومت چ ریل تے ٹرانسپورٹ دا وزیر تے فیر وزیر خزانہ وی بنیا۔

وزیر اعظم[لکھو]

1964 وچّ جواہر لال نہرو دے مرن مگروں شاستری بھارت دا وزیر اعظم بنیا۔ اس عہدے بتے ایہہ تاشقند چ اپنی موت تک فائز رہیا ۔

اہم واقعہ[لکھو]

اس دی وزارت عظمی دے دوران پیش آن آلا اہم واقعہ 1965 وچّ پاکستان اتے حملہ کر کے جنگ شروع کرنا اے ، جس چ بھارت اپنا 64 ہزار مربع میل دا علاقہ کھوا بیٹھا ۔

موت[لکھو]

11 جنوری، 1966 نوں شاستری تاشقند اوس ویلے مریا جدوں اوہ 65ء دی جنگ دے بعد ایوب خان نال مذاکرات کرن سویت یونین گیا سی ہے سویت وزیراعظم کوسیچن دیاں کوششاں نال جدوں شاستری مذاکرات دے نتیجے ج ہون آلے معاہدہ تاشقند راہیں اپنا کھویا ہویا علاقہ پاکستان توں واپے لین چ کامیاب ہو گیا ۔شاستری ایہہ اینی وڈی کامیابی دی خوشی سہار نا سکیا ، تے اوتھے تاشقند چ ای دل دا دورہ پین نال مرگیا