مصنوعی سیارہ

Wikipedia توں
جاؤ: پاندھ, کھوج
اک اینیمیشن جس چ جی پی ایس مصنوعی سیارے دی گھبلے زمینی مدار چ گردش نوں دکھیا گیا اے
سپوتنک1:پہلا مصنوعی سیارہ

سیارچہ اک ایداں دا جسم اے جس نوں انسانی کوششاں نال کسے مدار چ پائیا جاندا اے ۔ ایہو جہے جسم نوں کئی واری مصنوعی سیارچہ یاں مصنوعی پاندھی وی آکھئیا جاندا اے تاں جے اینہاں تے قدرتی سیارچےآں ، جداں چند وغیرہ ، چ فرق کیتا جا سکے ۔

سوکھے لفظاں چ مصنوعی سیارہ یاں سیارچہ اک ایسا پاندھی اے جسنوں انسان نے خود بنائیا ہوئے تے فیر اسنوں کسے دوجے قدرتی سیارے یاں ستارے دے مدار چ چھڈ دتا ہوئے ۔

ایہہ مصنوعی سیارہ بالکل ایسے طراں گردش کردا اے جداں کوئی قدرتی سیارہ ( جداں :زمین) کسے ستارے دے مدار چ گھمدا اے ۔ مثلا ساڈا پاندھی زمین سورج دے دوالے اک متھے ہوئے مدار چ گھمدا اے ۔ مضنوعی سیارے دی جسامت نسبتا نکی ہندی اے ۔

زمین دے مدار چ بھیجے گئے مصنوعی سیارےآں دے بنیادی مقصداں چ زمین دے مختلف کماں مثلا نقشے بنان لئی ، موسمیاتی تبدیلیاں دا اندازہ لانا ، جاسوسی کرنا ، سائنسی کاہڈ(تحقیق) ، نشریات تے ٹیلی فون دے نظام نوں چلانا، انٹرنیٹ دا نظام چلانا تے ویب سائٹاں دا آپس چ رابطہ وغیرہ شامل نیں ۔

سب توں پہلاں 1957ء چ روس نے سپوتنک1(Sputnik 1) ناں دا مصنوعی سیارچہ خلاء چ چھڈئیا سی ۔


بارلے جوڑ[لکھو]