منسا موسی

Wikipedia توں
جاو: مدد, کھوج
منسا موسی
منسا موسی 1375 (کاتالان اٹلس مورت)
مالی سلطنت دا موسی
راج ویلہ 1312 – 1337 (25 سال)
پیشرو ابوبکری II
جانشین مغان موسی
راج ٹبر
کیئٹا راج ٹبر
تینویں اناری کوناتے
نیانے مغان موسی
پیؤ کانکوؤ موسی
جم 1280 نیڑے
مالی
موت 1337
نامعلوم
مذہب اسلام
1395ء دے اک افریقہ تے یورپ دے نقشے چ منسا موسی نوں دکھیا گیا اے


منسا موسی سلطنت مالی دا سب توں مشہور تے نیک ناں حکمران سی ۔ جس نے 1312ء توں 1337ء تک حکومت کیتی اس دے دور چ مالی دی سلطنت اپنے عروج تے پہنچ گئی سی ۔ ٹمبکٹو تے گاد دے مشہور شہر فتح ہوئے تے سلطنت دیاں حداں چڑھدے چ گاد توں لہندے چ بحر اوقیانوس تے اتلے چ تفازہ دیاں لون دیاں کاناں توں دکھن چ ساحلی جنگلاں تک پھیل گئیاں سن ۔ منسا نوں سب توں ودھ شہرت اسدے حج دے سفر توں لبھی جہڑا اسنے 1324ء چ کیتا ۔ ا یہہ سفر اینا شاندار سی کہ اسدی وجہ توں منسا موسی دی شہرت ناصرف اسلامی دنیا بلکہ تاجراں راہیں یورپ تک اسدا ناں پہنچ گئیا ۔ اس سفر چ منسا موسی نے اینا ودھ سونا خرچ کیتا کہ مصر چ کئی ورہے سونے دیاں قیمتاں ڈگیاں رہیاں ۔ منسا موسی مکہ توں اپنے نال اک اندلسی معمار ابواسحاق ابراہیم الساحلی نوں لیائیا ، جس نے بادشاہ دے حکم نال گاد تے ٹمبکٹو چ پکیاں اٹاں دیاں دو مسیتاں اساریاں تے ٹمبکٹو چ اک محل بنا‏ئیا ۔ مالی دے علاقے چ اوس ویلے پکیاں اٹاں دا رواج نئیں ہوئیا سی ۔ منسا موسی دے ویلے پہلی وار مالی دے تعلقات باہرلے ملکاں نال بنے چنانچہ مراکش دی مرینی سلطنت سلطان ابوالحسن نال اسدے چنگے تعلقات سن ۔ منسا موسی درویش صفت تے نیک حکمران سی ، اسدے عدل تے انصاف دے کئی قصے تریخ چ لکھے ہوئے نیں ۔ منسا دے مگروں مالی دی سلطنت دا زوال شروع ہو گئیا تے اک اک کر کے سارے علاقے ہتھ چوں نکل گئے تے 1654ء چ شہر گاد دے سونگھائی حکمران نے مالی دی سلطنت دا خاتمہ کر دتا ۔ مشہور سیاح ابن بطوطہ نے ایسے منسا دے بھائی سلیمان بن ابوبکر دی حکومت دے دوران مالی دی سلطنت چ اک سال توں ودھ چر قیام کیتا تے ٹمبکٹو دی سیر وی کیتی تے علاقے دی خوشحالی تے امن دی تعریف کیتی ۔

ہور ویکھو[لکھو]

پیشرو
ابوبکری II
مالی سلطنت دا منسا
1312–1337
جانشین
مغان

باہرلے جوڑ[لکھو]