میر

Wikipedia توں
جاؤ: پاندھ, کھوج
خلائی شٹل ڈسکوری دی میر توں علیحدہ ہون دی اک مورت


میر خلا وچ سويت یونین دا (بعد وچ روس دا) خلائی سٹیشن سی ۔ روسی زبان وچ میر دے دو مطلب نیں دنیا یا امن ۔ میر خلا وچ پہلا مسلسل انسان بردار تحقیقی خلائی سٹیشن سی تے تیجی پیڑھی (3rd genration) دا وی پہلا خلائی سٹیشن سی ۔ میر دا خلاء وچ مسلسل انسان برداری دا 8 دن گھٹ 10 سال دا ریکارڈ اے تے بہت سارے ملکاں دے خلاءباز اس تے خلائی شٹلاں دے ذریعے آؤندے تے جاندے رہے ،1991ء وچ سویت یونین ٹٹن ویلے وی ایس تے اک سویت خلاباز موجود سی ۔ سب توں ذیادہ 11 واری امریکہ دیاں خلائی شٹلاں ایس تے خلاباز تے دوجا سامان لے کے آئیاں ۔ میر خلا وچ بہت سارے ماڈلاں نوں جوڑ کے بنایا گیا، جیہڑے 1986ء توں 1996ء تک اک اک کرکے خلاء وچ بھجے گئے سن ۔

میر دا انسگنیا

میر نون خلاء وچ قازقستان وچ واقع بیکانور خلائی اڈا توں 19 فروری 1986ء وچ 21:28 وجے عالمی وقت دے مطابق خلاء وچ بھیجیا گیا ۔ ایہہ خلائی سٹیشن 23 مارچ 2003ء تک خلاء وچ رہیا تے فیر ایس نوں مدار چوں کڈھ کے جنوبی بحرالکاہل وچ ڈیگ دتا گیا ۔ میر خلائی سٹیشن دا وزن 124340 کلوگرام سی ۔ ایہہ زمین دوالے اک چکر 89.9 منٹ وچ مکمل کردا سی تے اک دن وچ زمین دے دوالے 16 چکر لاندا سی ۔ ایس نے خلاء وچ زمین دے دوالے 3،63،84،70،307 کلومیٹر دا سفر کیتا ۔

تریخ[لکھو]

میر سویت خلائی سسٹم دی تیجی نسل نال تعلق رکھدا اے ۔ 17 فروری 1976ء نوں سیلئوٹ DOS-17K خلائی سٹیشن نوں مزید بہتر کرن دا فیصلہ کیتا گیا جدکہ1971ء توں لے کے 4 سیلئوٹ خلائی سٹیشن خلاء وچ بھیجے جا چکےسن۔