میری کساٹ

Wikipedia توں
جاؤ: پاندھ, کھوج
Mary Cassatt-Selfportrait.jpg

میری کساٹ ( مئی 22, 1844 – جون 14, 1926) اک امریکی پینٹر سی۔ اوہنے اپنا چوکھا جیون فرانس وچ لنگھایا۔ ایتھے ایہدی جان پچھان ایڈگر ڈیگاس نال سی۔ میری کساٹ دیاں مورتاں ٹبر، نیانیاں تے ماں نال اوہناں دے ساکاں بارے نیں۔ اوہنوں گستاف جیفری نے برتھے موریسو تے میری بریکمانڈ نال امپریشنزم دیاں تن وڈیاں سوانیاں وچ گنیا۔

جم پل تے پڑھائی[لکھو]

میری کساٹ الگنی، پنسلوینیا وچ اک اتلی پدھر والے گھر 22 مئی 1844 نوں جمی۔ اوہدا پیو رابرٹ سمپسن کساٹ اک کاروباری سی تے ماں کیتھرین کیلسو جانسٹن اک بنکوالے ٹبر توں سی۔ اوہ 6 وریاں دی سی جدوں اوہ فلاڈیلفیا آۓ تے اوہدی پڑھائی دا مڈھ بجیا۔ اوہدی ماں نے اہودی پڑھی اچیچے ول نال کرائی تے اوہدے پڑھن وچ اوہدے پھرن دا وی ہتھ سی۔ اوہ یورپ 5 ورے رئی تے لندن، پیرس تے برلن وی گئی۔ یورپ وچ اوہنے جرمن تے فرنچ سکھی تے ڈرائینگ تے موسیقی دے سبق وی لۓ۔ 1855 دے پیرس دے میلے وچ گئی تے کئی آرٹسٹاں نال جان پچھان ہوئی۔


اوہ 15 وریاں دی سی جدوں اوہنے آرٹ سکھن لئی پنسلوینیا اکیڈیمی آف دی فائن آرٹس وچ داخلہ لیا۔ اوہ 1865 تک پڑھدی رئی۔ ایتھے منڈے کڑیاں کٹھے پڑھدے سن۔


ودھیا پڑھائی لئی 1866 وچ اپنی ماں نال پیرس آئی۔ سوانیاں آرٹ سکول داچلہ نہیں سی ملدا ایس اک ارٹ دے گرو جین لیون گیروم کول اوہدے گھر ای آرٹ سکھن لگ پئی۔ اوہ ہر دن لوور جاندی تے آرٹ دیاں مورتاں دی کاپی بناندی۔ اینج ای اوہدی ملنی اپنے دے ہور لوکاں نال وی ہوجاندی۔ 1866 دے انت تے اوہ چارلس چپلن کول تے 1868 وچ تھامس کوٹیور کول آرٹ سکھن گئی۔ 1868 وچ آرٹ پنچایت اوہدی اک مورت نوں پیرس وچ مورتاں دی سلانہ نمیشس پیرس سیلون وچ رکھن لئی پسند کردی اے۔


1870 دیاں گرمیاں وچ اوہ فرانکو پرشین لڑائی باجوں امریکہ ٹرجاندی اے۔ اوہدا پیو ہن اوہدی ہور آرٹ دی پڑھائی دے خلاف سی تے ایس کم وچ اوہدی بانہ نئیں پھڑدا۔ اوہ شکاگو جاندی اے پر گل نئیں بندی۔ پٹسبرک دے آرچ بشپ نے اوہنوں اٹلی وچ دو پینٹنک دا بنان دا آکھیا تے نال اٹلی آن جان دے پیسیاں دا وی بندوبست کیتا۔ اوہ بڑی حوش ہوندی اے تے اک ہور آرٹسٹ نوں نال لے کے یورپ ٹرجاندی اے۔

امپریشنزم[لکھو]

پارما وج اوہدی چنگی پہل سیوا ہوندی اے۔

مورتان
Cassatt Mary Maternite 1890.jpg Cassatt Mary Jules Being Dried by His Mother 1900.jpg Cassatt Mary At the Window 1889.jpg Cassatt Mary The Bath 1891-92.jpg
مورتان
Cassatt Mary Girl Arranging Her Hair 1886.jpg Cassatt Mary Young Woman in Green, Outdoors in the Sun 1914.jpg Cassatt Mary Woman in Black 1882.jpg Mary Cassatt - 'Young Woman with Auburn Hair in a Pink Blouse', pastel on paper, 1895, Honolulu Academy of Arts.jpg

بارلے جوڑ[لکھو]