نناوت

Wikipedia توں
جاو: مدد, کھوج
File:Coat of Arms of Nunavut.png
نناوت دا نشان


نناوت دا جھنڈا
نناوت دا نقشہ



نناوت کینیڈا دی سبتوں نویں تے سبتوں وڈی ریاست اے ۔ اسنوں شمال مغربی ریاست توں یکم اپریل 1999ء چ نناوت ایکٹ تے نناوت لینڈ کلیمز ایگریمنٹ راہیں جدا کیتا گئیا سی ۔ اسدیاں سرحداں دا تعین 1993ء چ کیتا جا چکئیا سی ۔ ننوت دا قیام عمل چ آن نال کینیڈا دے نقشے چ 1949ء چ نیو فاؤنڈ لینڈ تے لیبرے ڈار دے قیام دے بعد اک وڈی تبدیلی اے ۔

ننوت دا صدر مقام ایکالوئٹ اے جہڑا مشرق چ بافن دے جزیرے تے واقع اے ۔ دوجے اہم علاقےآں چ رینکن ان لٹ تے خلیج کیمرج نیں ۔ نناوت چ ایلیسمیری دا جزیرہ وی شامل اے جہڑا شمال چ واقع اے ۔ جزیرہ وکٹوریہ دے جنوبی تے مشرقی حصے وی اس چ شامل نیں ۔ نناوت رقبے دے لحاظ نال کینیڈا دی سبتوں وڈی تے آبادی دے لحاظ نال سبتوں نکی ریاست اے ۔ اس دی کل آبادی 29474 افراد تے مشتمل اے جہڑی تقریبا مشرقی یورپ دے برابر علاقے چ پھیلی ہوئی اے ۔ جے نناوت اک آزاد دیس ہندا تے ایہہ جگ دا سبتوں گھٹ گنجان آباد ملک ہندا ۔ مثلا گرین لینڈ دا رقبہ نناوت دے تقریبا برابر اے پر آبادی نناوت توں دوگنی اے ۔

جزیرہ بافن دا اتلا چڑھدا ساحل

نناوت دا مطلب اے "ساڈی بھوئیں (ساڈی زمین)" ایہہ انوکتی بولی دا لفظ اے ۔ اس دے باشندے نناومیوت کہلاندے نیں ۔ اک باشندہ نناومیوک کہلائے گا ۔



تریخ[لکھو]

نناوت چ تقریبا 4 ہزار سال توں مسلسل انسان آباد رہے نیں ۔

نناوت دی تحریری تریخ دا آغاز 1576ء چ ہوئیا ، جدوں مارٹن فروبشر اک مہم دی رہنمائی دے دوران ایتھے پہنچئیا تے اسنے سوچئیا کہ اسنے خلیج فروبشر دے پانیاں چ سونے دی کان تلاش کر لئی اے ۔ اگرچہ ایہہ کان بیکار نکلی تاہم فروبشر نے انوئت لوکاں نال یورپیاں ولوں پہلا رابطہ قائم کیتا ۔ ایہہ رابطہ اگرچہ بوہت بھیانک سی کیونکہ اسنے 4 انوئت لوکاں نوں اغوا کیتا تے اینہاں نوں انگلستان لے آئیا جتھے اوہ بوہتی دیر زندہ نا رہ سکے ۔ شمالی رستے دی تلاش چ 17ویں صدی عیسوی چ بوہت سارے مہم جو جنہاں چ ہنری ہڈسن ، ولیم بافن تے رابرٹ بیلوٹ شامل سن ، ادروں لنگھے ۔


جغرافیہ[لکھو]

اقالوئت چ قنون ساز اسمبلی دی عمارت

نناوت دا کل رقبہ 19 لکھ مربع کلومیٹر اے جس چ بھوئیں تے پانی دونہے شامل نیں ۔ اس چ اتلے کینیڈا دا حصہ ۔ جس چ آرکٹک دا حصہ ، خلیج ہڈسن ، خلیج جیمز تے خلیج انگاوا دے سارے جزیرے شامل نیں ۔ اینج ایہہ جگ دی پنجویں وڈی ریاست اے ۔ جے نناوت آزاد دیس ہندا تے ایہہ دنیا دا 13واں وڈا دیس ہندا ۔ نناوت دیاں سرحداں شمال مغربی ریاست ، اونٹاریو تے نیو فاؤنڈ لینڈ تے لیبررے ڈار نال ملدیاں نیں ۔ اسدیاں آبی سرحداں کیوبک تے اونٹاریو دے علاوہ منیٹوبا تے گرین لینڈ نال ملدیاں نیں .

ہور ویکھو[لکھو]

باہرلے جوڑ[لکھو]