ٹریگنومیٹری

Wikipedia توں
جاؤ: پاندھ, کھوج
θ زاویے دے سارے ٹریگنومیٹرک فنکشناں نوں جیومیٹری چ o دے گرد دائرے نال ظاہر کیتا جاسکدا اے

ٹریگنومیٹری ریاضی دا اک پاسا اے جیدے چ تکوناں نوں پڑیا جاندا اے۔ اے خاص طور تے اینج دیاں تکوناں آستے وتی جاندی اے جیناں دا اک زاویہ 90 ڈگری ہوۓ۔ ٹریگنومیٹری تکون دیاں سیڈاں دے ناپ، اودے زاویے تے ٹریگنومیٹرک ریشیو دے درمیان رشتے نوں دسدی اے۔

ٹریگنومیٹری نوں ریاضی چ تے اپلائڈ ریاضی دوناں چ ورتیا جاندا اے تے اینوں فزکس، کیمسٹری تے دوجے سینس مضموناں چ وی ورتیا جاندا اے۔ اینوں کالجاں تے سکولاں چ وی پڑھاکو پڑدے نیں تے یونورسٹی چ اینوں اک علیحدہ مضمون دے طور تے وی پڑیا جاندا اے۔

ٹریگنومیٹری نوں بوت سارے کماں چ ورتیا جاندا اے اینوں میزائل اپنے کھوجی سسٹم چ ورتدے نیں تے اینوں خلا چ خلاباز وی ورتدے نیں۔ اینوں پرانے دور چ سمندر چ راہ دا کھوج لان واسطے وی ورتیا جاندا سی۔ اینوں کئی خاص راہ دسن آلے سسٹم ورتدے نیں جیناں چ جی پی ایس وی شامل اے۔ اینوں فلکیات چ دوجے خلائی شیواں جیناں چ تارے، سیارے، وٹے تے ہور شیواں ہوندیاں نیں اوناں نال دوری ناپی جاندی اے، جغرافیے چ اینوں دور دیاں تھاواں توں دوری ناپن آستے ورتیا جاندا اے تے اینوں سیٹلائٹاں وی ورتدیاںنیں۔