پارسی
پارسی زرتشت دے منن آلے نیں ۔ عرباں نے ایران فتح کیتا تے اینہاں چوں کجھ مسلمان ہو گۓ کجھ نے جزیہ دینا قبول کیتا تے کجھ 8ویں توں 10ویں صدی عیسوی چ اپنا دیس چھڈ کے ہندستان چ آگئے ۔ اینہاں دا دعوی اے کہ اینہاں دے مذہبی رہنما دے کول اوستا دا اوہ پرانا نسخہ موجود اے جہڑا اینہاں دے پیغمبر زرتشت تے نازل ہوئیا سی ۔
پارسی اپنے مرن آلےآں نوں جلان یاں دفنان دی بجائے اک کھلے تے اچے مینار تے رکھ چھڈ دے نیں تاکہ اسنوں گرجھاں وغیرہ کھا جان ۔ اس حاص عمارت نوں دخمہ یاں منار خاموشی آکھئیا جاندا اے ۔
پارسیاں دی وڈی گنتی ممبئی تے اسدے آلے دوالے وسدی اے تے پاکستان چ ایہہ کراچی وسدے نیں ۔ ایہہ لوک عام طور تے تجارت پیشہ ہندے نیں تے سماجی بہبود دے کماں چ ودھ چڑھ کے حصہ لیندے نیں ممبئی تے کراچی دے کئی سکول ۔ ہسپتال تے کتب خانے اینہاں دے سرمائے نال چلدے نیں ۔ ہندستان چ فولاد دا پہلا کارخانہ جمشید ٹاٹا نے جمشید پور چ لائیا ۔ ہندستان چ جدید سٹیج ، ڈرامے تے فلم سازی دے بانی وی ایہی لوک نیں ۔
