پاکستان پیپلز پارٹی

Wikipedia توں
جاؤ: پاندھ, کھوج
پاکستان پیپلز پارٹی
Pakistan Peoples Party
Flagge der Pakistanischen Volkspartei.svg
مکھی: بلاول زرداری بھٹو آصف علی زرداری
نیو رکھن والا : ذوالفقار علی بھٹو
بنن ورہ : 1967
وڈا دفتر: اسلام آباد
پارٹی ویب سائیٹ: پاکستان پیپلز پارٹی

پاکستان پیپلز پارٹی پاکستان دی اک سیاسی پارٹی اے۔ اے پارٹی اس ویلے پاکستان دی سرکار چلا رئی اے تے اے پاکستان دی نیشنل اسمبلی چ سیٹاں نال سب توں وڈی پارٹی اے۔ ایدے چیئرمین بلاول زرداری بھٹو تے آصف علی زرداری ہے گے نیں۔ پیپلز پارٹی اپنے آپ نوں غریباں دی پارٹی کیندی اے تے سوشلزم ول اپنی سوچ دسدی اے پر ایس پارٹی تے ہر ویلے جگیردار چھاۓ رۓ۔ اے پارٹی صرف اک ٹبر دے آلے دوالے کمدی اے۔

اس پارٹی دی نیو 30 نومبر 1967 نوں ذوالفقار علی بھٹو نے رکھی سی۔ پارٹی نے 1970 چ پاکستان چ ہون والیاں چوناں چ دوجے نمبر تے آئی۔ عوامی لیگ نے قومی اسمبلی دیاں سب توں جوکھیاں سیٹاں جتیاں۔ جنرل یحییٰ خان تے ذوالفقار علی بھٹو نے عوامی لیگ دے شیخ مجیب الرحمان نوں راج ناں دتا تے لڑائی چھڑ گئی۔ چڑھدا پاکستان وکھرا ہوکے بنگلہ دیش بن گیا تے اینج لیندے پاکستان چ پاکستان پیپلز پارٹی راج چ آگئی۔

  • پاکستان پیپلز پارٹی پہلی واری راج آندی اے جدوں ذوالفقار علی بھٹو پاکستان دے پہلے سولین چیف مارشل لا ایڈمنسٹریٹر، فیر صدر تے فیر وزیراعظم بنے۔ اگلیاں چوناں چ ہیراپھیری کرن تے 5 جولائی 1977 نوںجرنل ضیا نے اونوں تے پاکستان پیپلز پارٹی نوں راج توں لا دتا۔
  • پاکستان پیپلز پارٹی دوجی واری 1988 چ راج آئی جدوں بینظیر بھٹو وزیراعظم بندی اے۔ 20 معینے مگروں غلام اسحاق خان صدر پاکستان نے پیپلز پارٹی دا راج انت کردتا۔
  • پاکستان پیپلز پارٹی تیجی واری 1993 توں 1996 تک پاکستان تے راج کردی اے۔
  • پاکستان پیپلز پارٹی چوتھی واری 2008 توں ہن تک راج چ اے۔

ہور ویکھو[لکھو]

بارلے جوڑ[لکھو]