پنجاڑ

Wikipedia توں
جاؤ: پاندھ, کھوج
پنجاڑ
دیس: پاکستانFlag of Pakistan.svg
صوبہ پنجاب
ضلع ضلع راولپنڈی
تصیل تصیل کعوٹہ
بولی پنجابی

پنجاڑ پاکستان دے صوبہ پنجاب وچ تصیل کعوٹہ ضلع راولپنڈی دا اک گراں تے یونین کونسل اے۔ اے 0'39°33 اتر پاسے پئی لیک، تے 0'31°73 چڑدے پاسے کھڑی لیک تے واقع اے۔ سطح سمندر توں ایہدی اونچائی 795 میٹر (2611 فٹ) اے۔ اے اسلام آباد توں 39 کلومیٹر دور اے۔

تریخ[لکھو]

پنجاڑ گراں تے ایہدی پہاڑیاں تے جسخام نامی قبیلے دے لوکان نے بسیرا کیتا تے اج اوناں دی نسلاں اتھے رہندیاں نے۔

  • مذہب: پنجاڑ دے لوکاں دا مذہب اسلام اے۔
  • بولی: پنجاڑ دے لوکاں دی ماں بولی پنجابی اے۔ اے لوکی پنجابی دا پوٹھوہاری لہجہ بولدے نے۔

تھاں[لکھو]

اے اک پہاڑی گراں اے۔ جنگل، پعاڑ، پعاڑیاں، چھمبر تے برساتی نالے اس علاقے دا حسن نے۔

آلے دوالے[لکھو]

پنجاڑ دے اتر پاسے نرڑ تے کھڈیوٹ، لیندے پاسے دوبیرن خورد، چڑدے پاسے کشمیر تے دکھن پاسے ہوتھلہ تے کعوٹہ نیں۔

گراں[لکھو]

پنجاڑ دے نکے نکے علاقیاں وچ بنا موڑا، نکا، ہرلا، کھل چپڑیاں، اوسل، نلہ، سنبل، بھاری گلہ، بنڈ، کالا، ککوئی گلہ، براٹھیاں، سوہا، سائیں، پنجل باڑ، کولٹیا، لوانی، کنڈاں، ٹلھا، ٹیہری تے خارنگ شامل نے۔

لوک گنتی[لکھو]

پنجار دی لوک گنتی 10358 اے۔

سکول[لکھو]

پنجاڑ وچ 26 پرائمری سکول، 3 مڈل سکول تے 4 سیکنڈری سکول موجود نے۔

سرکاری عمارتاں[لکھو]

پنجاڑ دی یونین کونسل نمبر 31 اے۔ پنجاڑ وچ اک یوٹیلٹی سٹور، اک سرکاری ہسپتال، اک جنوراں دا ہسپتال، اک ڈاک خانہ تے محکمہ جنگلات دا دفتر اے۔

جنگلی جیون[لکھو]

چیڑ پائندی نر کون

پنجاڑ دے جنگلاں وچ جنگلی پرندے، بوٹے تے جنور پائے جاندے نے۔ چیڑ دا رکھ سب توں زیادہ پایا جاندا اے۔

نومبر توں مارچ تک پاکستان دے شمالی علاقیاں توں مختلف پرندے ہجرت کر کے اتھے اندے نے تے سردی ختم ہون تک پنجاڑ دے جنگلاں چ بسیرا کردے نے۔

بوٹے تے رکھ[لکھو]

پنجاڑ وچ وکھری قسماں دے بوٹے تے رکھ ہوندے نیں جناں وچ ٹاہلی، سنتھا، کمِلا،اُکؔن،تنی، تاوی، پھلائی، سرو، کوہ، کَسُؔنی، گھنیرہ، دھرُؔنی، بیری، ککوئی، ٹُسؔی، آخرا، پھگواڑی، منوئیاں، سمبل، دریک، سفیدہ، بٹؔی، کُروں (توت)۔ تمَؔن، رُمبل، کیکر، گرنڈا، اکؔ (چٹا اکؔ)، تِمبَر، دُدؔل ( اک ساگ دا ناں)، کلیاڑ (کلیاں دا ساگ)، بَھڑبِک (بَسوِک)، کیوَڑا، لَپھڑا، میداسک (میندسک)، بَیکڑ، چِٹاجنڈ، جامن، بوہڑ، پودنا، کعا (سروخا، کڑو، مک)، آملی، چیڑ، کھٹا (گرگل)، کچماچ، نکا ساگ، پھلیاں، امرود، خرمانی، ہاڑی، داخاں (آڑو)، ٹنگی، آلوچہ، بھیڑا، سیاؤں (وڈا بیر)، گول بیر، کچوروں، پٹاخی، موکڑی، ناخاں (ناشپاتی)، داخ (انگور) شامل نیں۔