چڑیا کعر، لہور

لہور دا چڑیا کعر پاکستان لہور دی مشہور سڑک مال روڈ اتے ھیگا اے۔ اے چڑیا کعر 1872 چ بنیا۔ ایتھے جگ دے ہر پاسیوں جانور تے پرندے وکھالے لئی رکھے گئے نیں۔ اے ایشیاء دے وڈے چڑیا کعراں وچوں اک اے۔

حصے

1 تریخ
2 ہور ویکھو
3 مورت نگری
4 بارلے جوڑ

[لکھو] تریخ

اے چڑیا کعر ایک نکے جئے پنجرے توں ٹریا جیہڑیا لال مھندر رام نیں چندے دے طور تے دتا سی۔ ھولی ھولی ایتھے جانور لیائے جاندے رئے تے ایدا ودھاوا ھندا ریا۔ اج ایتھے رنگ برنگی 136 نسلاں دے 1381 جانور، 82 نسلاں دے 996 پرندے، 8نسلاں دے 49 رینگن آلے تے 45 نسلاں دے 336 ممالیہ ھیگے نیں۔ جیہڑے چڑیا کعر آن آلے لوکاں دی توجہ دی تھاں ھیگے نیں۔ اے چڑیا کعر 1872-1923 تکر لہور میونسپل کارپوریشن دے چنڈے تھلے کم کردا رئیا۔ فیر 1962 تکر ایدا اختیار ڈپٹی کمشنر نوں دے دتا گیا۔ فیر کج چر لئی اےدا انتظام لائیو سٹاک تے ڈیری دے محکمے کول رئیا۔ اخیر 1962 چ ایدا انتظام وائلڈ لائف تے پارکس دے محکمے نوں دے دتا گیا۔ ایس توں پہلاں ایدی ترقی چ کج بوہتا کم نئیں ھوئیا سی پر وائلڈ لائف دے محمکے دے تھلے ایدی ترقی، ودھاوا، عمارت تے جانوراں دی فلاح بارے کافی کم ھوئیا تے ھو رئیا اے۔ اج اے چڑیا اک کعر خود مختار ادارہ اے۔ ایتھے اک نباتاتی باغ وی ھیگا اے۔ کیونجکہ اے لہور دی مشہور سڑک مال روڈ اتے ھیگا اے، ایس کر کے ہر پاسے دے لوکی ایتھے سیر کرن آندے نیں۔ خاص کر بالاں دے لئی اے بڑی من پسند تھاں اے۔ اجکل ایتھے جانوراں دی خوراک، رھائش تے صحت بارے وڈے پیمانے تے کم کیتا جا ریئا اے۔ ایدے نال نال چڑیا کعر ویکھن لئی آن آلے لوکاں دی تفریح دے معیار نوں چنگا بناون لئی وی انتظامات کیتے گئے نیں۔