ڈیگو گارشیا

Wikipedia توں
جاو: مدد, کھوج
ڈیگو گارشیا دے ساحل دا اک خوبصورت منظر
ڈیگو گارشیا دے امریکی فوجی اڈے تے کھڑے بی ۔1 بمبار طیارے
جزيرے دا تفصیلی نقشہ

ڈیگو گارشیا بحر ہند دے وسط چ واقع اک جزیرہ اے ۔ ایہہ ہندستان تے سری لنکا دے دکھنی ساحلاں توں تقریبا 1 ہزار کلومیٹر دے فاصلے تے واقع اے ۔ اصل چ ایہہ حلقہ نما مونگے دیاں چٹاناں نیں جہڑیاں مرجانی جھیل نوں گھیرے ہوئے نیں جسنوں انگریزی چ Atoll آکھئیا جاندا اے ۔ ایہہ بحر ہند چ واقع برطانیہ دے مل مارے علاقےآں دا حصہ اے ۔ 1973ء چ مقامی آبادی دی جبری بے دخلی دے بعد امریکہ تے برطانیہ اس جزیرے نوں فوجی اڈے دے طور تے ورت رہے نیں ۔

جغرافیہ[لکھو]

ایہہ جزیرہ 60 کلومیٹر لمبا تے 8 کلومیٹر چوڑا اے ۔ مرجانی جھیل دی ودھ توں ودھ گہرائی 30 میٹر اے پر اس چ کئی مرجانی چٹاناں باہر نکلياں ہوئیاں نیں جس دی وجہ توں اس چ جہاز رانی خطرناک اے ۔ جزیرے دا کل رقبہ 170 مربع کلومیٹر اے ۔ جس چ 30 مربع کلومیٹر زمینی علاقہ اے ، 17 مربع کلومیٹر پیرامونی علاقہ اے تے 124 مربع کلومیٹر مرجانی جھیل تے مشتمل اے ۔

تریخ[لکھو]

اس جزیرے نوں 16ویں صدی چ پرتگیزی جہازراناں نے لبھئیا ، کہندے نیں اس جزیرے دا ناں پہلے جہاز دے کپتان دے ناں تے رکھئیا گئیا ہوئے گا ۔ جزیرہ 18ویں صدی تک غیرآباد سی جس دے مگروں فرانسیسیاں نے غلاماں دی مدد نال ایتھے کھوپرے دی پیداوار دا آغاز کیتا ۔ نیپولین دیاں جنگاں دے بعد ڈیگوگارشیا برطانیہ دے قبضے چ آ گئیا پر 1814ء توں 1965ء تک ایہہ ماریشیس دے کولرہئیا۔