کریمیا

Wikipedia توں
جاؤ: پاندھ, کھوج
کریمیا
Flag of Crimea.svg
Emblem of Crimea.svg
جھنڈا
نشان
راجگھر: سواستاپول
رقبہ: 26200 مربع کلومیٹر
لوک گنتی: 19،94،300
حثیت: خودمختار جمہوریہ
دیس: یوکرین
Crimean peninsula.svg Map of Ukraine political simple Oblast Krim.png
Crimea republic map.png

کریمیا یوکرین دا اک خود مختار لوک راج اے جہڑا بحیرہ اسود دے اتلے کنڈیاں تے واقع اے تے جزیرہ نما اے تے جمہوریہ کریمیا دے ناں نال جانی جاندی اے ۔ لوک راج دا کل رقبہ 26 ہزار 200 مربع کلومیٹر اے تے آبادی 2005ء دے مطابق 19 لکھ 94 ہزار 300 اے ۔ اسدا راجگھر سواستاپول اے ۔ ایہہ کریمیائی تاتاری باشندیاں دا آبائی دیس اے جہڑے ہن نسلی اقلیت چ تبدیل ہو چکے نیں تے کریمیا دی آبادی دا صرف 13 فیصد نیں ۔


تریخ[لکھو]

کریمیا 1441ء توں 1783 ء تک چڑھدے یورپ چ اک آزاد مسلم ریاست "قریم یورتی" یا کریمیا خانیٹ دے ناں نال تقریبا ساڈھے 3 سو سال تک رہیا تے 1475ء توں 1774ء تک سلطنت عثمانیہ دا حلیف تے باجگزار رہیا ۔ 1883ء چ روسی سلطنت نے استے قبصہ کرکے کریمیا دے خاناں دی حکومت ختم کردتی ۔ پہلے ایہہ علاقہ روسی سلطنت تے فیر سویت یونین چ وفاق روس چ شامل رہیا لیکن سویت صدر خروشیف نے اسنوں یوکرین چ شامل کردتا ، کیونجے کریمیا یوکرین دے نال متصل اے ۔ سویت یونین دے خاتمے دے بعد کریمیا یوکرین دا حصہ قرار دتا گئیا ۔ 5 اکتوبر 1992ء چ کریمیا نے خودمختاری دا اعلان کردتا لیکن بعد چ یوکرین چ خود مختار جمہوریہ دے طور تے موجودگی تے رضامندی ظاہر کردتی ۔ کریمیا دا علاقہ کسے زمانے چ مسلم اکثریتی علاقہ سی تے کریمیائی تاتاری مسلماناں دی ایتھے حکومت سی ۔ مسجداں تے اسلامی درس گاہاں ہر جگہ موجود سن تے جمعہ دے خطبے سلطان دا ناں لئيا جاندا سی لیکن روسی سلطنت دی نظر ہمیشہ تون ای اس علاقے تے لگی ہوئی سی سلطنت عثمانیہ دے دوجے علاقیاں چ الجھن دی وجہ توں روس نوں اس علاقے تے قبضہ کرن دا موقعہ مل گئیا تے روسی سلطنت نے ایتھے قبضہ پکا ہندے ای مسلماناں دا قتل عام شروع کردتا تے روسی لوکاں نوں روسی علاقیاں توں لئیا کے ایتھے آباد کرنا شروع کردتا تے رہی سہی کسر سویت یونین دے زمانے چ مسلماناں دے قتل عام روسیاں دی آبادکاری تے روسی صدر جوزف سٹالن دے حکم تے اپنے آبائی علاقےآں توں کریمیائی تاتاریاں دی جبری ملک بدری نے پوری کردتی جس دی وجہ توں کریمیا دے اصل باشندے کریمیائی تاتاری مسلمان ایتھے اقلیت چ رہگئے۔