کوکو شینل

Wikipedia توں
جاو: مدد, کھوج
Gabrielle Chanel en marinière.jpg

کوکو شینل (19 اگست 1883 – 10 جنوری 1971) اک فرانسیسی فیشن شیواں بنان والی تے اک وڈے فیشن گھر شینل دی موڈی سی۔ ٹائم میگزین نے اوہنوں 20یں صدی دے 100 چنویں لوکاں وچ گنیا۔


کوکو شینل اک توبن تے ریڑھی والے دی دھی سی۔ جوانی وچ اوہ دن نوں کپڑے سیندی سی تے رات نوں اک کلب وچ گاندی سی۔ پیرس تے ڈیول وچ ہٹیاں چلان مگروں اوہ 1919 وچ منی پرمنی کپڑیاں دی ڈیزائنر بنجاندی اے۔ اوہدے بنے ہوۓ کپڑے سادے چنگے پر مینگے ہوندے سن۔ اوہدے سوہنے کپڑے اوس ویلے وی عورتاں تے پھبدے سن تے ہن تک پسند کیتے جاندے نیں۔ اوہنے پرس نوں فیتہ لا کے موڈے تے ٹنگ دتا تے اینج عورتاں دے ہتھ ویلے ہوگۓ۔ 1922 شینل نمبر 5 اک خشبو مارکیٹ وچ لیاندی جیہڑی ہجے وی چل رئی اے۔ کوکو شینل دی کئی لوکاں نال یاری سی پر اوہنے کسے نال ویاہ ناں کیتا۔ برطانیہ دا ڈیوک آف ویسٹ منسٹر وی اوہدے نال ویاہ کرنا چاندا سی پر اوہنے ایہ کہ کے ناں کردتی جے "ڈچز اف ویسٹمنسٹر کئی ہون گیاں پر کوکو شینل اک ای اے۔" اوہنے 30 ورے توں اپر پیرس دے رٹز ہوٹل وچ جیون لنگایا۔ دوجی وڈی لڑائی وچ اوہدے تے جرمناں لئی کم کرن دا الزام لگا۔ برطانی ںنے اوہدی ایس رپھڑ توں جان چھڑائی۔ اوہ سوئٹزرلینڈ چلی گئی تے فیشن نوں چھڈ دتا۔ 1954 وچ واپس پیرس دی فیشن دنیا وچ آئی۔ اوہدی مانتا اوہدیاں بنائیاں چیزاں وچ نئیں بلکہ اوہدے توں سکھ کے ہور لوکاں نے جیہڑیاں فیشن دیاں چیزاں بنایاں اوہناں تے وی اے۔

Chanel 2.55.jpg

ہور ویکھو[لکھو]

کوکو دیاں گلاں[لکھو]

  • سوہنپ دی روح سادگی اے۔
  • فیشن آرکیٹیکچر اے۔ ایہ پدھر دی سہنپ اے۔

بارلے جوڑ[لکھو]