کیلا

Wikipedia توں
جاؤ: پاندھ, کھوج
کیلے دیاں چار ونڈاں
مصر وچ کیلے دا رکھ

کیلا اک عام کھادے جانوالے پھل دا ناں اے جیہڑے اک وڈے پھلوالے کیلا ٹبر دیاں کئی ونڈاں تے ہوندا اے۔ ایہ فروٹ ناپ رنگ تے پینڈے ہون وچ وکھرا وہندا اے۔ عام وکھالے وچ ایہ لما، مڑیا جیدا گودا نرم تے نشاستے والا ہوندا اے۔ ایہدا چھلڑ ہرا، پیلا، لال، جامنی تے پکن تے پشرا ہوسکدا اے۔ فروٹ اک گچھے وانگوں لگدا اے جیہڑا رکھ دے اتے لگدا اے۔ اجکل کھادے جانوالے بنا بی دے کیلے دو ونڈاں توں بنے نیں جنہاں د جور موسا ٹوکرے توں اے۔ ایہ ٹراپیکی ہندی ملایا تے اسٹریلیا دے واسی نیں۔ خورے ایہ پہلی واری پاپوا نیوگنی وچ اگاۓ گۓ تے ہن جگ دے 107 دیساں وچ اگدے نیں۔

کیلا فروٹ دے نال نال بوٹے دا ناں وی اے۔ بوٹے لمے تے چنگے تکڑے ہوندے نیں تے پلیکھے نال ایہناں نون رکھ کیآ جاندا اے۔ ایہدا جیہڑا تنا دسدا اے اوہ چؤٹھا تنا ہوندا اے۔ کیلا کسے وی زمین وچ ہوسکدا اے پر ایہ گھٹو گھٹ 60 سینٹی میٹر ڈونگھا ہووے، پانی رکدا نہ ہووے تے زمین پینڈی نہ ہووے۔

وکھالہ[لکھو]

کیلے دا پتہ کیلا ٹاہنی تے تے اک لمی جوڑی پتی نال رل کے بندا اے۔ ایہ لما پتہ بوٹے دی چؤٹھی ٹاہنی توں نکلدا اے۔ ہر نواں پتہ نکلن مگروں تنے توں دوجے پتیاں توں دور جاندا اے تے اینج ٹیسی تے اک چنڈ بندا دسدا اے۔ اّ اگاۓ گۓ بوٹیاں دے ناپ ونڈ دے حساب نال وکھرے ہوندے نیں۔ لامت 5 م (16 فٹ) تکدے ہوندے نیں۔ پتے چکر دی شکل وچ بوٹے تے ہوندے نیں تے 2.7 میٹر(8.9 فٹ) لمے تے 60 سینٹی میٹر(2.0 فٹ) چوڑے ہوندے نیں۔[1] ایہناں وچ ہوا بڑی اسانی نال کٹ پادندی اے۔[2]

جدوں کیلے دا بوٹا پورا جوان ہوجاندا اے تے فیر اوہدی گنڈ وچوں نویں پتے بننے بند ہوجاندے نیں۔ ایہدے وچ فیر پھل گچھا بنن لگ جاندا اے۔ بوٹے دے چوٹھے تنے وچ اک تنا بندا اے جیہڑا فیر پھل گچھا بندا اے تے تے اوہ پھل اکے کیلے بندے نیں۔ فروٹ لگن مگروں اوہ چؤٹھا ٹاہنی مرجاندی اے تے مدھ توں ہور بوٹے اکدے نیں تے اینج بوٹا سدا ای ریندا اے۔ آپ اگائی وچ اکو ٹاہنی نوں اگن دندے نیں تاں جے تھاں پھیلن دی روے۔ مادھ پھل نر پھلاں نالوں اتے ہوندے نیں۔ کیلے دے گچھے دا پآر 30–50 کلوگرام تک ہوندا اے۔ اک گجھے وچ 60 توں 400 تک کیلے ہوندے نیں۔ اک کیلا 125 کرام دا ہوسکدا اے جیدے وچ 25% پانی تے 75% سکا ماس۔

کیلے نوں بچان لئي ایہدے اتے چھلڑ ہوندی اے جیدے اندرلے پاسے لمبائی والے پاسے تنداں ہوندیاں نیں تے آپ اگائیاں ونڈاں وچ بی نہیں ہوندے اندر کالے نشان ای بیاں دے رہ گۓ نیں۔ ۔

2012 وچ 10 وڈے اگانوالے
دیس ہوند ٹناں وچ ٪
Flag of India.svg ھندستان 29.7
Flag of Uganda.svg یوگنڈا 11.1
Flag of the People's Republic of China.svg چین 10.7
Flag of the Philippines.svg فلپائن 9.2
Flag of Ecuador.svg ایکویڈار 8.0
Flag of Brazil.svg برازیل 7.3
Flag of Indonesia.svg انڈونیشیا 6.1
Flag of Colombia.svg کولمبیا 5.1
Flag of Cameroon.svg کیمرون 4.8
Flag of Tanzania.svg تنزانیہ 3.9
ریندے سارے دیس 49.6
دنیا 145.4

طاقت[لکھو]

کیلے وچ وٹامن بی6 ود ہوندا اے۔ کج فائبر، تھوڑے ناپ وچ وٹامن سی، مینگانیز تے پوٹاشیم ہوندے نیں۔[3] دوجے فروٹاں نال رلا کے کھان نال کلوریکٹل کینسر دا ڈر گھٹ جاندا اے[4]، سوانیاں وچ چھاتی دا کینسر تے رینل سیل کارسینوما وی ایہ گھٹا دیندا اے۔[5][6] کیلے کھان نال ڈوپامائن دے بنن تے چنگا اٹر پیندا اے جیہڑے امینو ایسڈ ٹائروسائن دے گھاٹے وج ہوندے نیں۔

بارلے جوڑ[لکھو]

اتہ پتہ[لکھو]