آکسفورڈ یونیورسٹی پھلواری
آکسفورڈ یونیورسٹی پھلواری آکسفورڈ، انگلینڈ، برطانیہ وچ اک تریخی پھلواری اے۔ ایہ برطانیہ دی سب توں پرانی پھلواری اے تے دنیا دی سب توں پرانی سائینسی پھلواریاں وچوں اے۔ ایہدا مڈھ 1621 وچ رکھیا گیا سی تے ایتھے پہلے دوائیاں بنان وچ کم آنوالے بوٹے اگاۓ گۓ سن۔ ایتھے 8000 بوٹے 1.8 ہیکٹر (4½ ایکڑ) تھاں تے لگے نیں۔ ایتھے اک تھوڑی جی تھاں تے بوٹیاں دے وڈے ٹبراں دیاں 90% ونڈاں ہے نیں۔