ابراہیم گاردی

ابراہیم گاردی اک مسلمان سردار تے مرہٹہ فوج دا توپچی سی ۔

اکتوبر 1760ء توں جنوری 1961ء تک مرہٹےآں دیاں اتحادی فوجاں مختلف تھانواں تے احمد شاہ ابدالی دے لشکر نال بھڑدیاں رہئیا ۔ مرہٹےآں دی اتحادی فوج چ ابراہیم گاردی وی سی جہڑا اپنے نال 2 ہزار سوار تے 9 ہزار پیدل فوج لیائیا سی ۔ آخری لڑائی چ مرہٹےآں دی اتحادی فوج دا سپہ سالار سواں راؤ مارئیا گئیا ۔ ابدالی دے لشکر نے مرہٹےآں دے لشکر دا قتل عام شروع کر دتا ۔

مرہٹےآں دی فوج دے گرفتار ہون آلے سرداراں چ ابراہیم گاردی وی شامل سی ، جدوں اسنوں ابدالی دے اگے پیش کیتا گئیا تے ابدالی نے نفرت آمیز لہجے چ پچھئیا " دسو خان صاحب کیہہ حال اے؟ کداں تشریف آوری ہوئی ؟ " ۔ ابراہیم گاردی نے آکھئیا میں اک جان فروش سپاہی آں ۔ حضور جان بخشی کر دین تے اینج ای تھواڈی خدمت کردا رہاں گا ۔ غصے نال ابدالی دا جہرا لال ہوگئیا تے آکھئیا کہ جان فروشاں دی تے جان بخشی ہو سکدی اے پر ایمان فروش اس دنیا چ رہن دے قابل نئیں ۔ ایہہ تریخی جملہ آکھن دے مگروں ابدالی نے اس دا سر اڑان دا حکم دتا ۔