اصفہان

آزاد انسائیکلوپیڈیا، وکیپیڈیا توں
(اصفهان توں مڑجوڑ)
اصفہان
دیس: ایران
تھاں: 204 مربع کلومیٹر
لوک گنتی: 1,583,609
بولی: فارسی

اصفہان ایران دا تیجا وڈا شہر تے صوبہ اصفہان دا راجگھر اے ۔ ایہہ ایران دے راجگھر تہران توں 340 کلومیٹر جنوب چ واقع اے ، 2006 دے اندازیاں دے مطابق اصفہان دی آبادی 15 لکھ دے نیڑے اے ۔

اصفہان دا میدان نقش جہاں اقوام متحدہ دے ادارے یونسکو دے عالمی ورثے دی حثیت رکھدا اے ۔ اس دے علاوہ شہر چ 11ویں صدی عیسوی توں 19ویں صدی عیسوی دے دوران دے اسلامی طرز تعمیر دے اعلی نمونے وی موجود نیں ۔

اس شہر دی خوبصورتی دے وجہ توں اسنوں عروج دے زمانے چ " اصفہان نصف جہان" اکھیا جاندا سی ۔

تریخ[سودھو]

تریخ چ ایہہ شہر اک وقت دنیا دا سب توں ترقی یافتہ تے وڈا شہر رہیا اے 1050ء توں 1722ء دے درمیان اس شہر نے بھرپور ترقی کیتی خصوصا 16ویں صدی عیسوی چ صفوی سلطنت دے دور حکومت چ ایہہ شہر شہرت دیاں بلندیاں تے پہنچ گئیا ۔ ایہہ شہر خوبصورت اسلامی طرز تعمیر ، محلات ، مسیتاں (مسجداں) تے میناراں دی وجہ توں سارے جگ چ مشہور اے ۔ ایتھے پوری دنیا توں ایران دے سارے شہراں توں زیادہ سیاح آندے نیں ۔

صنعتاں[سودھو]

اصفہان اپنے خوبصورت قالیناں دے حوالے نال وی ساری دنیا چ جانیا جاندا اے ۔ اج کل اصفہان چ قالین بنان دیاں ، کپڑے دی مصنوعات دیاں ، ہتھ نال بنیاں شیواں دیاں تے لوہے دیاں صنعتاں قائم نیں ۔ ایتھے کارخانیاں دی کل تعداد 2 ہزار دے نیڑے اے ۔