افسانہ

وکیپیڈیا توں
جاؤ: پاندھ, کھوج

افسانہ اردو ادب دی نثری صنف اے۔ لغت دے اعتبار نال افسانہ جھوٹھی کہانی نوں کہندے نیں پر ادبی اصطلاح چ افسانہ جیون دے کسے اک واقعے جاں پہلو دی اوہ خلّاقانہ تے فنی پیش کش اے جو عموماً کہانی دی شکل چ پیش کیتی جاندی اے۔ ایسی تحریر جس چ اختصار تے ایجاز بنیادی حیثیت رکھدے نیں۔ وحدتِ تاثر اس دی سب نوں اہم خصوصیت اے۔ ناول زندگی دا کل تے افسانہ زندگی دا اک جز پیش کردا اے۔ جدونکہ ناول تے افسانے چ طوالت دا فرق وی اے۔


افسانہ تے کہانی دیاں ہور قسماں چ فرق[لکھو]

داستان، ناول، ڈرامہ تے افسانہ بنیادی طور اتے کہانی ہون دے باوجود تکنیک دے اصول تے قاعدےآں دے اعتبار نال اک دوجے توں وکھ نیں۔ داستان چ تخیل تے تصور دی رنگینی، ڈرامے چ کوئی نہ کوئی کش مکش، ناول چ زندگی دی وسعت تے گہرائی تے افسانہ چ موضوع دی اکائی، ایہ امتیازی تے انفرادی خصوصیتاں نیں۔

وحدتِ تاثر[لکھو]

افسانہ دوجی طرح دی کہانیاں نالوں اس لحاظ نال وکھ تے ممتاز اے کہ اس چ واضح طور اتے کسے اک چیز دی ترجمانی تے مصوری ہوندی اے۔ اک کردار، اک واقعہ، اک ذہنی کیفیت، اک جذبہ، اک مقصد، مختصر ایہ کہ افسانے چ جو کجھ وی ہو‎ۓ، اک ہوۓ۔افسانے دی ایہ خاصیت کہ ایہ اپنے اختتام اتے قاری دے ذہن اتے واحد تاثر قائم کردا اے، وحدتِ تاثر اکھواندی اے۔

ہور ویکھو[لکھو]

حوالے[لکھو]

  • 1-اَدَبی اصطلاحات از انور جمال طابع نیشنل بُک فاؤنڈیشن۔
  • 2- داستان سے افسانے تک از پروفیسر سیّد وقار عظیم طابع الوقار پبلی کیشنز۔

باہرلے جوڑ[لکھو]