لیجنڈ
لیجنڈ (Legend)، لوک ریت دی اک صنف اے، جیہڑی انسانی اعمال دی خصوصیت اُتے مشتمل بیانیہ اے، جیہنوں انسانی تاریخ وچ وقوع پذیر منّیا جان٘دا اے یا سمجھیا جان٘دا اے۔ اس صنف وچ بیانیے انسانی اقدار نوں ظاہر کَرسکدے نیں تے کچھ خاص خصُوصِیات دے حامل ہوسَکدے نیں جیہڑے کہاݨی نوں حقِیقت دا درجَہ دین٘دے نیں۔ لیجنڈز نوں وقت دے ناݪ تبدیل کیتا جا سَکدا اے تاکہ اوہناں نوں تازہ تے اہم رکھیا جا سکے۔
بہت سارے لیجنڈ غیر یقینی دے دائرے وچ کَم کَردے نیں، جیہناں اُتے شرکاء ولّوں کدی وی مکمّل طور اُتے یقِین نئیں کیتا جان٘دا۔ لیجنڈز نوں بَعض اوقات دیومالائی کہاݨیاں توں اس لحاظ ناݪ ممتاز کیتا جان٘دا اے کہ اوہ بنیادی کرداراں دے طور اُتے اِنساناں دے متعلّق نیں تے ضرُوری نئیں کہ اوہناں دا مافَوق الفِطرت ماخذ ہووے، تے بَعض اوقات اس وچ اوہناں دی کِسے نہ کِسے طرحاں دی تاریخی بنیاد ہُن٘دی اے، جَد کہ دیومالائی کہاݨیاں وچ عام طور اُتے ایداں نئیں ہُن٘دا۔
اَیٹمولوجی تے اورِیجن
[سودھو]لیجنڈ پراݨی فرانسیسی زبان دا اک دخیل لفظ اے جیہڑا 1340 دے لَگبَھگ انگریزی زبان وچ داخل ہویا۔ پراݨی فرانسیسی زبان دا اِسم "لیجنڈ" قرون وسطی دے لاطینی لفظ legenda توں ماخوذ اے۔ اِبتدائی انگریزی زبان وچ ایہدا اِستعمال کِسے واقعے دے بیانیے دا اشارہ کردا اے۔ لفظ "لیجنڈری" اصل وچ اک اِسم سی (1510 دی دہائی وچ متعارف کرایا گیا) جیہدا مطلب لیجنڈز دا مجموعہ اے۔ ایہ لفظ لیجنڈری وچ بدل گیا، تے "لیجنڈری" صفت دی شکل اِختیار کَر گیا۔