الیاس گھمن

الیاس گُھمݨ
جم	۲۵ اگست 1961 (1961-08-25) چک ستیا، تحصیل وزیرآباد، پنجاب، پاکستان
کم کِتہ	پنجابی لکھاری، ناول نگار، کہاݨی کار، سائنس لکھاری
بولی	پنجابی
قومیت	پنجابی
شہریت	پاکستانی
تعلیم	الیکٹرونکس انجینیئرنگ
صنف	ناول، افسانا
تحریک	پنجابی تحریک
وڈے کم	کیمسٹری (پنجابی) بیالوجی (پنجابی) الیکٹرونکس (پنجابی) کمپیوٹر (پنجابی)

الیاس گُھمݨ، پنجابی دے سائنس لکھاری، ناول نگار، کہاݨی کار تے پنجابی سیوک نيں۔ واپڈا وِچ بطور افسر خِدمات سر انجام دے چُکے نیں تے لہور، پنجاب، پاکستان وچ مقیم نيں۔

تفصیل

الیاس گُھمݨ 25 اگست 1961ء نو‏‏ں موضع چک ستیا تحصیل وزیر آباد، پنجاب، پاکستان وچ پیدا ہوئے۔ گورنمنٹ ہائی سکول سوہدرا توں 1977ء وچ میٹرک کیتا تے فیر گورنمنٹ کالج لہور وچ داخل ہوئے۔ داؤد کالج آف انجینیئرنگ اینڈ ٹیکنالوجی کراچی توں 1985ء وچ الیکٹرونِکس انجینیئرنگ کرکے واپڈا وچ اسسٹنٹ ڈائریکٹر بھرتی ہوئے تے 2021ء وچ ریٹائر ہوگئے۔

پنجابی پرچا کاری تے پنجابی ادب

کراچی وچ دوران تعلیم دو رسالے "سر" تے "سوہنی دھرتی" شُرُوع کِیتے۔ ملازمت دے دوران وی عِلمی، ادبی تے تحقیقی سرگرمیاں جاری رکّھِیاں۔ بالّاں لئی پہلا پنجابی بال ادبی رسالا "میٹی" کڈھیا۔ اوہ اک پنجابی رسالے "مہیناوار رویل" دے اعزازی چیف ایڈیٹر نیں۔ اوہناں نے طباعت دے شعبے وچ پنجابی کمپیوٹر نوں متعارف کروایا۔

اوہ پنجابی ادب دے اک اعلا کہاݨی کار تے ناول نگار نیں اوہناں نے کہاݨیاں دے کئی مجموعے، ناولٹ تے ناول تصنیف کیتے نیں۔

پنجابی سائنس بورڈ تے سائنسی لِکھتاں

اوہ پنجابی سائنس بورڈ دے بانی چیئرمین نيں۔ الیاس گُھمݨ تے پروفیسر ڈاکٹر جمیل احمد پال نے 1990ء وچ پنجابی سائنس بورڈ قائم کیتا جیہڑا پنجابی زبان وچ سائنسی علوم دی مُنتقلی واسطے پہلا ادارہ اے۔ اوہناں نے پنجابی سائنس بورڈ دے تحت کئی پنجابی سائنسی کتاباں لِکھیاں تے ترتیب دِتیاں نیں۔

لِکھتاں

سائنسی کتاباں

• ریڈار ۔ الیاس گُھمݨ
• سائنس (بالاں لئی) ۔ الیاس گُھمݨ
• حساب کتاب ۔ الیاس گُھمݨ
• فزکس دی تکنیکی لفظاولی ۔ کمیٹی پنجابی سائنس بورڈ
• کیمسٹری ۔ الیاس گُھمݨ
• بیالوجی ۔ الیاس گُھمݨ
• الیکٹرونِکس ۔ الیاس گُھمݨ
• کمپیوٹر ۔ الیاس گُھمݨ

ہور کتاباں

• بھگوان شکاری
• جانور باتاں (لوک کہاݨیاں)
• پراݨا پنڈ (ناولٹ)
• گھر والی (ناولٹ)
• واء ویلیاں (ناول)
• ونڈ (کہاݨیاں)
• سارے مُلکھ خراب پنجاب وِچوں

حوالے